റീഫണ്ട് നൽകാത്തതിനെ തുടർന്ന് എഡ്യൂ ടെക് ഭീമൻമാരായ ബൈജൂസിലെ ടി.വി ഊരിയെടുത്ത് മാതാപിതാക്കൾ. ബൈജൂസിൽ നിന്നും കുട്ടിക്ക് പഠിക്കാൻ കോഴ്സ് വാങ്ങിയിരുന്നു. ഇതിന്റെ ഭാഗമായി കിട്ടിയ ടാബിൽ പക്ഷെ പാഠങ്ങൾ വന്നില്ല. ഇതോടെയാണ് മാതാപിതാക്കൾ ക്ഷുഭിതരായത്. തുടർന്ന് പലതവണ റീഫണ്ട് ആവശ്യപ്പെട്ടെങ്കിലും നൽകാൻ ബൈജൂസ് തയ്യാറായില്ല.
View this post on Instagram
“>
ഒരാഴ്ചയോളം റീഫണ്ട് നൽകാൻ ആവശ്യപ്പെട്ടിട്ടും കിട്ടിയില്ല. ആഴ്ചകളോളം ഫോണിൽ ബന്ധപ്പെട്ടിട്ടും പരിഹാരമായില്ല. ഇതിൽ ക്ഷുഭിതരായാണ് മാതാപിതാക്കൾ ഓഫീസിലെത്തി ടിവി ഇളക്കിയെടുത്ത് കൊണ്ടുപോയത്. സമൂഹമാദ്ധ്യമങ്ങളിലും ഇതിന്റെ വീഡിയോ വൈറലാണ്. റീഫണ്ട് ലഭിക്കുമ്പോൾ ടിവി തിരിച്ച് തരാമെന്ന് രക്ഷിതാവ് പറയുന്നതും വീഡിയോയിൽ കാണാം.
ഇൻസ്റ്റഗ്രാമിൽ ഒരു ലക്ഷത്തിലധികം ആളുകൾ കണ്ട വീഡിയോ നിരവധി ചർച്ചകൾക്കാണ് വഴിയൊരുക്കിയത്. കസ്റ്റമർ കെയർ സർവ്വീസിലെ നിലവാരമില്ലായ്മയും റീഫണ്ടിലേ അപാകതകളും നിരവധി പേർ വീഡിയോയ്ക്ക് താഴെ പങ്കുവച്ചിട്ടുണ്ട്.