തിരുവനന്തപുരം: മെഡിക്കൽ കോളേജ് പിജി അവസാന വർഷ വിദ്യാർത്ഥിനിയായിരുന്ന ഡോ.ഷഹാനയുടെ ആത്മഹത്യക്ക് ഉത്തരവാദിയായ ഡോ.റുവൈസിന്റെ സസ്പെൻഷൻ നീട്ടി. മെഡിക്കൽ കോളേജ് പ്രിൻസിപ്പലാണ് സസ്പെൻഷൻ കാലാവധി നീട്ടയിത്. 3 മാസത്തേക്കാണ് സസ്പെൻഷൻ നീട്ടിയത്.
സ്ത്രീധനം ആവശ്യപ്പെട്ടുള്ള മാനസിക പീഡനത്തെത്തുടർന്നാണ് ഷഹാന ആത്മഹത്യ ചെയ്തത്. തിരുവനന്തപുരം മെഡിക്കൽ കോളേജിലെ വിദ്യാർഥിയായ ഡോ.റുവൈസും ഷഹാനയും തമ്മിൽ പ്രണയത്തിലായിരുന്നു. ഇത് വിവാഹ നിശ്ചയം വരെ എത്തിയിരുന്നു. എന്നാൽ, സ്ത്രീധനം കൂടുതൽ നൽകാത്തതിനെ തുടർന്ന് റുവൈസ് വിവാഹത്തിൽ നിന്നും പിന്മാറിയിരുന്നു. ഇതിനെ തുടർന്നാണ് ഷഹാന ആത്മഹത്യ ചെയ്തത്. 2023 ഡിസംബർ 4 ന് രാത്രിയിലാണ് മെഡിക്കൽ കോളജിന് സമീപത്തുള്ള താമസസ്ഥലത്തു ഷഹ്നയെ ജീവനൊടുക്കിയ നിലയിൽ കണ്ടത്.
