നിങ്ങളുടെ ശബ്ദത്തിലൂടെ നിങ്ങൾ അനുഭവിക്കുന്ന സമ്മർദ്ദം തിരിച്ചറിയാൻ സഹായിക്കുന്ന ആപ്പുമായി ഐഐടി കാൺപൂർ. ഐഐടി സ്റ്റാർട്ടപ്പായ മനോദയം മെൻ്റൽ ഹെൽത്ത് ആൻഡ് വെൽനസ് ആണ് ആപ്പ് വികസിപ്പിച്ചിരിക്കുന്നത്. മാനസിക പിരിമുറുക്കത്തെക്കുറിച്ച് ബോധവൽക്കരണം നടത്തുന്നതിനൊപ്പം അത് ഒഴിവാക്കാനുള്ള പരിഹാരങ്ങളും സ്റ്റാർട്ടപ്പ് നൽകുന്നുണ്ട്.
ചില ചോദ്യങ്ങൾ ആപ്പ് നിങ്ങളോട് ചോദിക്കും, നിങ്ങൾ നൽകുന്ന ഉത്തരങ്ങൾ വഴിയാണ് നിങ്ങളുടെ മെന്റൽ സ്ട്രസ് കണക്കാക്കുന്നത്. നിങ്ങളുടെ ശബ്ദം, ടോൺ, വാക്കുകൾ തമ്മിലുള്ള അകലം, ശബ്ദ വേഗത എന്നിവയിലൂടെയാണ് ഇത് സാധ്യമാകുന്നത്. വെറും 30 സെക്കൻഡിനുള്ളിൽ തന്നെ ഫലം ദൃശ്യമാകും. ആപ്പ് നൽകുന്ന സ്കോർ 1 മുതൽ 5 വരെ ആണെങ്കിൽ നിങ്ങളുടെ മാനസികാവസ്ഥ സാധാരണമാണ്. 6 മുതൽ 9 വരെയുള്ള സൗമ്യവും 1മുതൽ 19 വരെയാണെങ്കിൽ നിങ്ങൾ സമ്മർദ്ദത്തിലേക്ക് നീങ്ങുന്നതിന്റെ സൂചനയാണ്. 20 മുതൽ 27 വരെയാണങ്കിൽ, നിങ്ങളുടെ സമ്മർദ്ദം ഗുരുതരമാണ്. ഒരു മാസത്തിനകം ഈ ആപ്പ് വിപണിയിലെത്തുമെന്ന് സ്റ്റാർട്ടപ്പ് സിഇഒ സഞ്ജയ് ധർ പറഞ്ഞു.
മാനസിക സമ്മർദ്ധവുമായി ബന്ധപ്പെട്ട് പെട്ടന്നുള്ള മരണങ്ങൾ അടുത്ത കാലത്തായി വർധിച്ചിട്ടുണ്ട്. ഈ സാങ്കേതികവിദ്യ ഉപയോഗിച്ച് ഇത്തരം സംഭവങ്ങൾ നിയന്ത്രിക്കാനുള്ള ശ്രമങ്ങൾ നടക്കുന്നുണ്ട്. മൊബൈലിൽ ഒരു ആപ്പ് ഡൗൺലോഡ് ചെയ്യുന്നതിലൂടെ നിങ്ങളുടെ മാനസിക നില കണ്ടെത്താനാകും. പരിഹാരവും ആപ്പ് നിർദ്ദേശിക്കും, സഞ്ജയ് വ്യക്തമാക്കി.
