അ​ഗ്നിപർവ്വത സ്ഫോടനങ്ങളുടെ കേന്ദ്രമായി പെനിൻസുല ഐസ്‌ലാൻഡ്; ഡിസംബറിന് ശേഷം നാലം തവണയും ലാവ പ്രവാഹം; ഭീതി പരത്തി വീഡിയോ

പെനിൻസുലയിലെ റെയ്ക്ജാൻസ് ഐസ്‌ലാൻഡിനെ ഞെട്ടിച്ച് അ​ഗ്നിപർവ്വത സ്ഫോടനം. ഡിസംബറിന് ശേഷം നാലാം തവണയാണ് തുടർച്ചയായി സ്ഫോടനമുണ്ടാകുന്നത്. തുടർച്ചയായി 80 ഭൂകമ്പങ്ങളാണ് പ്രദേശത്തുണ്ടായതെന്ന് ഐസ്‌ലാൻഡിക് മെറ്റീരിയോളജിക്കൽ ഓഫീസ് അറിയിച്ചു.

തുടർച്ചയായി ഉണ്ടായ ശക്തമായ ഭൂചലനങ്ങൾ മാ​ഗ്മ ചലനത്തിലേക്ക് നയിച്ചുവെന്നും ഇതാണ് സ്ഫോടനത്തിന് കാരണമായതെന്നും വൃത്തങ്ങൾ സൂചിപ്പിക്കുന്നു. ലാവയും പുകയും പുറന്തള്ളുന്നതിന്റെ ചിത്രങ്ങളും വീഡിയോകളും പ്രചരിക്കുന്നുണ്ട്.

The moment the 4th eruption since December started #Iceland #Svartsengi #Reykjanes #Grindavik #Volcano pic.twitter.com/Wz2Mnr7szK

— Joe 🇮🇸 (@JBCOYS99) March 16, 2024

ഇതിന് മുൻപ് ഫെബ്രുവരി എട്ടിനായിരുന്നു സ്ഫോടനമുണ്ടായത്. അന്നത്തേ സ്ഫോടനവുമായി സാമ്യത പുലർത്തും വിധത്തിലാണ് സ്ഫോടനം ഉണ്ടായതെന്ന് മെറ്റീരിയോളജിക്കൽ ഓഫീസിലെ വിദ​ഗ്ധനായ ബിജാർക്കി കൽഡലോൺസ് ഫ്രിസ് പറഞ്ഞു. പൊട്ടിത്തെറിക്ക് മുൻപായി 80 ഭൂകമ്പങ്ങൾ ഉണ്ടായതായി അദ്ദേ​ഹം നിരീക്ഷിച്ചു. 24 മണിക്കൂറിനുള്ളിൽ‌ തീവ്രത കുറയുമെന്നാണ് അനുമാനമെന്നും അദ്ദേഹം വ്യക്തമാക്കി.

Another view of when the #eruption started a short while ago in #Iceland. The ground just opens up and boom! Just amazing!!! 🤩

Speed X20 pic.twitter.com/oXEeub7MbB

— Volcaholic 🌋 (@volcaholic1) March 16, 2024

സ്ഫോടനത്തിന് പിന്നാലെ പ്രദേശത്ത് അടിയന്തരാവസ്ഥ പ്രഖ്യാപിച്ചു. വിനോദസഞ്ചാര കേന്ദ്രങ്ങൾ ഉൾ‌പ്പടെ അറിയിച്ചു. പ്രദേശവാസികളെ ഒഴിപ്പിക്കാക്കാനുള്ള നടപടികൾ ആരംഭിച്ചിട്ടുണ്ട്. 33 സജീവ അ​ഗ്നിപർവ്വതങ്ങളാണ് ഇവിടെ സ്ഥിതി ചെയ്യുന്നത്. യൂറോപ്പിലെ തന്നെ ഉയർന്ന കണക്കാണിത്.