ഇന്ത്യൻ വെൽസ് ഓപ്പൺ ടൂർണമെന്റിൽ തുടർച്ചയായ രണ്ടാം വർഷവും കിരീടം നിലനിർത്തി കാർലോസ് അൽക്കാരസ്. ഡാനിൽ മെദ് വദേവിനെ തോൽപ്പിച്ചാണ് അൽക്കാരസ് കിരീടം ചൂടിയത്. സ്കോർ 7-6 (5), 61. കഴിഞ്ഞ വർഷം വിമ്പിൾഡണിൽ മുത്തമിട്ടതിന് ശേഷം ഇത് ആദ്യമായാണ് അൽക്കാരസ് ഒരു കിരീടം നേടുന്നത്.
വനിതാ സിംഗിൾസിൽ ലോക ഒന്നാം നമ്പർ താരം ഇഗ സ്വിയാറ്റെക്കാണ് ജേതാവ്. മരിയ സകറിയെ 6-4, 6-0 എന്ന സ്കോറിനാണ് താരം പരാജയപ്പെടുത്തിയത്. ഇവർഷം ഇ ഗ്രയുടെ അക്കൗണ്ടിലെ രണ്ടാം കിരീടമാണിത്. ആഴ്ചകൾക്ക് മുമ്പ് ഖത്തർ ഓപ്പൺ താരം സ്വന്തമാക്കിയിരുന്നു.
ഗ്രാൻസ്ലാം ടൂർണമെന്റുകൾ കഴിഞ്ഞാൽ ലോക ടെന്നീസിലെ ഏറ്റവും വലിയ ടൂർണമെന്റുകളിലൊന്നാണ് ഇന്ത്യൻ വെൽസ് ടെന്നീസ് ടൂർണമെന്റ്.
