തിരുവനന്തപുരം: പന്നിക്കെണിയിൽ നിന്ന് ഷോക്കേറ്റ് യുവാവ് മരിച്ചു. വെഞ്ഞാറമൂട് വെള്ളമണ്ണടി ചക്കക്കാട് സ്വദേശി ഉണ്ണി(35)ക്കാണ് ജീവൻ നഷ്ടമായത്. ഇന്നലെ രാത്രിയോടെയായിരുന്നു സംഭവം. യുവാവും സുഹൃത്തുക്കളും പുഴയിൽ നിന്ന് മീൻ പിടിച്ച് മടങ്ങുന്നതിനിടെയാണ് അപകടം സംഭവിച്ചത്.
പന്നിയെ പിടിക്കാനായി സ്ഥാപിച്ച വൈദ്യുത വേലിയിൽ നിന്ന് യുവാവിന് ഷോക്കേൽക്കുകയായിരുന്നു. ബൈക്കിൽ പിന്നാലെ എത്തിയ സുഹൃത്തുക്കൾ ഉണ്ണിയെ കാണാതായതോടെ നടത്തിയ പരിശോധനയിലാണ് ഷോക്കേറ്റ് നിലത്ത് കിടക്കുന്നതായി കണ്ടത്. ഉടൻ തന്നെ ആശുപത്രിയിൽ എത്തിക്കാൻ ശ്രമിച്ചെങ്കിലും വാഹനത്തിന്റെ അപര്യാപ്തത മൂലം വൈകുകയായിരുന്നു.
