ചരക്കുകപ്പലിടിച്ചു, അമേരിക്കയിലെ കൂറ്റൻ പാലം നദിയിൽ തക‍‍ർന്നു വീണു; നടുക്കുന്ന ദൃശ്യങ്ങൾ

ന്യൂയോർക്ക്: ചരക്കുകപ്പലിടിച്ചതിന് പിന്നാലെ അമേരിക്കയിലെ ബാൾട്ടിമോറിലെ കൂറ്റൻ പാലം തക‍‍ർന്നു വീണു. ഇന്ന് പുല‍‍‍ർ‌ച്ചെയായിരുന്നു അപകടം. സ്കോട്ട് കീ പാലമാണ് പടാപ്‌സ്കോ നദിയിൽ പതിച്ചത്.20ലേറെ വാഹനങ്ങളും പാലത്തിലുണ്ടായിരുന്നു. അപകടത്തിന്റെ നടുക്കുന്ന ദൃശ്യങ്ങൾ സോഷ്യൽ മീഡിയയിൽ പ്രചരിച്ചു.

ചരക്കുകപ്പൽ ഇടിച്ചതിന് പിന്നാലെ തീപിടിക്കുകയും പൊട്ടിത്തെറിയോടെയുമാണ് പാലം തകർന്നത്. നദിയിൽ വീണ് കാണാതായ ഏഴുപേ‍‍ർ‌ക്കായി തെരച്ചിൽ തുടരുകയാണ്. എന്നാൽ കൂടുതൽ പേരെ കാണാനില്ലെന്ന റിപ്പോ‍ർ‌ട്ടുകളുമുണ്ട്. അപകടം നടക്കുമ്പോൾ 20ലേറെ തൊഴിലാളികൾ പാലത്തിൽ അറ്റകുറ്റപ്പണികൾ നടത്തുന്നുണ്ടായിരുന്നു. പ്രദേശത്ത് രക്ഷാപ്രവ‍‍ർത്തനം തുടരുകയാണ്. മൂന്നു കിലോമീറ്ററോളം നീളമുള്ള പാലത്തിന്റെ വലിയൊരു ഭാ​ഗം മുഴുവനും തകർന്നു. രണ്ടുവരി പാതയാണ് പാലത്തിലുണ്ടായിരുന്നത്.

സിംഗപ്പൂർ പതാകയുള്ള കണ്ടെയ്നർ കപ്പലാണ് അപകടത്തിൽപ്പെട്ടതെന്നാണ് സൂചന. 300 മീറ്ററോളം നീളമുള്ള കപ്പൽ കൊളംബോയിലേക്കുള്ള യാത്രയിലായിരുന്നുവെന്നാണ് ബി.ബി.സി റിപ്പോർട്ട്. 1977ൽ ഉദ്ഘാടനം ചെയ്ത പാലമാണ് തക‍‍ർന്നത്.ഫ്രാൻസിസ് സ്കോട്ട് കീ പാലം തകർന്നതിനെ തുടർന്ന് ഗവർണർ വെസ് മൂർ മേരിലാൻഡിൽ അടിയന്തരാവസ്ഥ പ്രഖ്യാപിച്ചു. അപകടത്തിൽ കപ്പൽ ജീവനക്കാർ സുരക്ഷിതരെന്നാണ് വിവരം.

The Francis Scott Key Bridge in Baltimore, Maryland which crosses the Patapsco River has reportedly Collapsed within the last few minutes after being Struck by a Large Container Ship; a Mass Casualty Incident has been Declared with over a Dozen Cars and many Individuals said to… pic.twitter.com/SsPMU8Mjph

— OSINTdefender (@sentdefender) March 26, 2024

“>

Alternate angle on Francis Scott Key bridge shows a large explosion 👀 pic.twitter.com/sGkjffTRaS

— cackenbools U/G-t (@cackenbools) March 26, 2024

“>