മുത്തൂറ്റ് മൈക്രോഫിൻ, സ്റ്റേറ്റ് ബാങ്ക് ഓഫ് ഇന്ത്യയുമായി സഹകരിച്ച് വായ്പകൾ കൊടുക്കാൻ ഒരുങ്ങുന്നു. 10,000 രൂപ മുതൽ പരമാവധി 3 ലക്ഷം രൂപ വരെ ആയിരിക്കും നൽകുക . കാർഷിക-അനുബന്ധ പ്രവർത്തനങ്ങളിലും, മറ്റ് വരുമാനം ഉണ്ടാക്കുന്ന സംരംഭങ്ങളിലും ഏർപ്പെട്ടിരിക്കുന്ന ജോയിന്റ് ലയബിലിറ്റി ഗ്രൂപ്പുകളിലെ (ജെഎൽജി) അംഗങ്ങൾക്ക് മുത്തൂറ്റ് മൈക്രോഫിനും എസ്ബിഐയും ചേർന്ന് വായ്പ നൽകും.
ഇരുസ്ഥാപനങ്ങളും തമ്മിലുള്ള സഹകരണം ഗ്രാമീണ മേഖലയിലെ വനിത സംരംഭകർക്ക് സഹായകരമാകും. ചെറു പട്ടണങ്ങളിലെ സംരംഭകർക്കും ലോൺ ലഭിക്കും .അടിയന്തര ഘട്ടങ്ങളിലെ ആവശ്യങ്ങൾ നിറവേറ്റാനും ഉപയോഗിക്കാം . പുതിയതും ചെലവു കുറഞ്ഞതുമായ പദ്ധതികൾ തങ്ങളുടെ ഉപഭോക്താക്കൾക്കായി അവതരിപ്പിക്കും. വനിതാ സംരംഭകരുടെ വിവിധ ആവശ്യങ്ങൾ നിറവേറ്റാൻ എസ്ബിഐയുമായുള്ള സഹകരണം സഹായിക്കുമെന്നാണ് പ്രതീക്ഷ.