ആദിത്യ എൽ1 ദൗത്യത്തിന്റെ ചിത്രങ്ങൾ പുറത്തുവിട്ട് ഐഎസ്ആർഒ. കൊറോണൽ മാസ് ഇഞ്ചക്ഷനുമായി ബന്ധപ്പെട്ട നിർണായക ചിത്രങ്ങളാണ് പുറത്തുവിട്ടത്. കഴിഞ്ഞ മാസത്തെ സൂര്യന്റെ ചലനാത്മക പ്രവർത്തനങ്ങളെ ചിത്രീകരിക്കുന്നതാണ് ഇവയെന്ന് ഐഎസ്ആർഒ അറിയിച്ചു. ആദിത്യ എൽ1-ലെ സോളാർ അൾട്രാവയലറ്റ് ഇമേജിംഗ് ടെലസ്കോപ്പും വിസിബിൾ എമിഷൻ കൊറോണാഗ്രഫും പകർത്തിയ ചിത്രങ്ങളാണിവ.
മെയ് 8നും 15നും ഇടയിൽ രേഖപ്പെടുത്തിയ സൂര്യന്റെ സജീവമേഖലയായ AR13664 ചരിത്രത്തിലെ ഏറ്റവും വലിയ സൗര കളങ്കങ്ങളിൽ ഒന്നാണെന്നും ഐഎസ്ആർഒ വ്യക്തമാക്കി. ഈ മേഖലയിലാണ് എക്സ് ക്ലാസ്, എം ക്ലാസ് രശ്മികൾ രേഖപ്പെടുത്തിയെന്നാണ് ഐഎസ്ആർഒ വ്യക്തമാക്കുന്നത്. സ്യൂട്ട് വിഎൽസി പേലോഡുകളാണ് സൂര്യന്റെ ഈ ചിത്രം പകർത്തിയത്.
SoLEXS, HEL10S സെൻസിംഗ് പേലോഡുകൾ മെയ് 8,9 ദിവസങ്ങളിലാണ് എക്സ് ക്ലാസ്, എം ക്ലാസ് രശ്മികൾ രേഖപ്പെടുത്തിയത്. മെയ് 11ന് സിറ്റു പേലോഡ്സുകളായ ASPEX , MAG എന്നിവ ലഗ്രാഞ്ച് പോയിന്റിലൂടെ കടന്നുപോയ ജിയോ മാഗ്നറ്റിക് സ്ട്രോമിന്റെ ദൃശ്യങ്ങളും രേഖപ്പെടുത്തി.