ലക്നൗ: ഡയറി ഫാമിലെ ആടുകളെ തട്ടിക്കൊണ്ടുപോയതായി പരാതി. ഉത്തർപ്രദേശിലെ ടിൽസാദ ഗ്രാമത്തിലാണ് സംഭവം. രണ്ടര ലക്ഷം രൂപ വരുന്ന 16 ആടുകളെയാണ് തട്ടിക്കൊണ്ടുപോയത്.
അർദ്ധരാത്രിയിലായിരുന്നു സംഭവം. എസ്‌യുവിയിലെത്തിയ സംഘമാണ് തട്ടിക്കൊണ്ടുപോയതെന്ന് ഉടമ കപൂനം സാഹു പറഞ്ഞു. സംഭവത്തിന്റെ ദൃശ്യങ്ങൾ സിസിടിവിയിൽ പതിഞ്ഞിട്ടുണ്ട്. പൊലീസിൽ പരാതി നൽകിയിട്ടുണ്ടെന്ന് ഉടമ വ്യക്തമാക്കി.
നേരത്തെ കാൺപൂരിലും സമാന രീതിയിൽ കാർ മോഷ്ടാക്കൾ വലയിൽ കുരുങ്ങിയിരുന്നു. മാരുതി വാൻ മോഷ്ടിക്കാൻ സംഘം ചേർന്ന് എത്തി, വാഹനം കടത്തി കൊണ്ടുപോകാൻ ശ്രമിക്കുമ്പോഴാണ് കൂട്ടത്തിൽ ആർക്കും വാഹനമോടിക്കാൻ അറിയില്ലെന്ന മോഷ്ടാക്കൾ തിരിച്ചറിഞ്ഞത്. പത്ത് കിലോമീറ്ററോളം സംഘം വാഹനം തള്ളി നീക്കിയെങ്കിലും പിന്നീട് ഉപേക്ഷിച്ച് കടന്നു കളയുകയായിരുന്നു.
