എറണാകുളം: നടി അമല പോളിന് ആൺകുഞ്ഞ് പിറന്നു. കഴിഞ്ഞ 11-ാം തീയതിയാണ് ആൺകുഞ്ഞിന് അമല ജന്മം നൽകിയത്. കുഞ്ഞുമായി വീട്ടിലേക്ക് അമലയും ഭർത്താവ് ജഗത് ദേശായിയും എത്തിയതിന്റെ ദൃശ്യങ്ങളാണ് ഇപ്പോൾ സമൂഹമാദ്ധ്യങ്ങളിൽ ഇടംപിടിക്കുന്നത്.
” ഞങ്ങളുടെ കുഞ്ഞു വിസ്മയത്തെ കാണുക” എന്ന അടിക്കുറിപ്പോടെയാണ് ജഗത് ചിത്രങ്ങൾ ഇൻസ്റ്റഗ്രാമിൽ പങ്കുവച്ചത്. ‘ഇലൈ’ എന്നാണ് കുഞ്ഞിന് പേരിട്ടിരിക്കുന്നത്. ഗുജറാത്തുകാരനായ ജഗതിന്റെ വീട്ടിലെ ആചാരപ്രകാരമായിരുന്നു ഗർഭകാലത്തെ ആഘോഷങ്ങൾ നടന്നത്. ഇതിന്റെ ചിത്രങ്ങളും അമല നേരത്തെ പങ്കുവച്ചിരുന്നു. അമല പോളിന്റെ രണ്ടാം വിവാഹമാണിത്. 2023 നവംബറിലായിരുന്നു ഇരുവരുടെയും വിവാഹം നടന്നത്.
View this post on Instagram
വിവാഹത്തിന് ശേഷവും സിനിമാ രംഗത്ത് താരം സജീവമാണ്. ബ്ലെസിയുടെ സംവിധാനത്തിൽ പുറത്തിറങ്ങിയ ആടുജീവിതമാണ് അമല അഭിനയിച്ച അവസാന ചിത്രം. ജിത്തുജോസിന്റെ സംവിധാനത്തിൽ ആസിഫ് അലി നായകനായി എത്തുന്ന ലെവൽ ക്രോസ് എന്ന ചിത്രത്തിലും അമല അഭിനയിച്ചിട്ടുണ്ട്.