ഏഴ് വർഷത്തെ പ്രണയം സഫലമായതിന്റെ സന്തോഷത്തിലാണ് ബോളിവുഡ് നടി സൊനാക്ഷി സിൻഹയും കാമുകൻ സഹീർ ഇക്ബാലും. ഏഴ് വർഷങ്ങൾക്ക് മുമ്പ് ഇതേ ദിവസമാണ് ഇരുവരും പ്രണയം തുറന്നു പറഞ്ഞത്. ഇന്ന് വിവാഹിതരാകുമ്പോൾ ഒരുതരി പോലും കുറയാതെ അതേ പ്രണയം ഇരുവരുടെയും കണ്ണുകളിൽ കാണാം. സൊനാക്ഷിയുടെയും സഹീർ ഇക്ബാലിന്റെയും വിവാഹത്തിന്റെ ചിത്രങ്ങളാണ് ഇപ്പോൾ സമൂഹമാദ്ധ്യമങ്ങളിൽ ഇടംപിടിക്കുന്നത്.
” ഏഴ് വർഷം മുമ്പ് ഇതേ ദിവസം (23.7.2017) തന്നെയാണ് ഞങ്ങളുടെ കണ്ണിൽ പ്രണയം തുളുമ്പിയത്. പാവനമായ പ്രണയം ഞങ്ങൾ തുറന്നു പറയുകയും ആജീവനാന്തം ഉറച്ചു നിൽക്കാൻ തീരുമാനമെടുക്കുകയും ചെയ്തു. എല്ലാ പ്രതിബന്ധങ്ങളെയും പരസ്പരം നേരിട്ടു. ഞങ്ങളുടെ ആ സ്നേഹം ഇന്ന് ഈ നിമിഷത്തിലേക്കെത്തിച്ചിരിക്കുന്നു. ഞങ്ങളുടെ കുടുംബത്തിന്റെയും ഈശ്വരന്റെയും അനുഗ്രഹം ഞങ്ങൾക്കുണ്ട്. ഇന്ന് ഞങ്ങൾ ഇരുവരും ദമ്പതിമാരായിരിക്കുന്നു”.- സോനാക്ഷി സിൻഹ കുറിച്ചു.
View this post on Instagram
വളരെ ലളിതമായി അടുത്ത ബന്ധുക്കൾ മാത്രം പങ്കെടുത്ത ഒരു രജിസ്റ്റർ വിവാഹമായിരുന്നു താരത്തിന്റേത്. വിവാഹത്തിന് ശേഷമുള്ള സത്കാര ചടങ്ങുകൾ വൈകാതെ നടത്തുമെന്നും താരം പറഞ്ഞു. ഓഫ് വൈറ്റ് സാരിയിൽ വളരെ ലളിതമായ മേയ്ക്കപ്പായിരുന്നു സൊനാക്ഷി ചെയ്തിരുന്നത്. ഇതിന് അനുസരിച്ചുള്ള നെക്ക്ലേസും കമ്മലും താരം അണിഞ്ഞിരുന്നു. നിരവധി ആരാധകരാണ് താരം പങ്കുവച്ച ചിത്രങ്ങൾക്ക് ആശംസകൾ നേർന്ന് രംഗത്തെത്തിയത്.