പാൽ ചായ, കട്ടൻ ചായ, മസാല ചായ, ഏലയ്‌ക്കാ ചായ അങ്ങനെ എത്രയെത്ര വൈവിധ്യങ്ങളാണല്ലേ ചായയിലുള്ളത്. ഇതിൽ തന്നെ പാൽ ചായയെക്കാൾ കൂടുതൽ കട്ടൻ ചായ കുടിക്കാൻ പലർക്കും ഇഷ്ടമുണ്ടായിരിക്കും. ഉന്മേഷം പ്രദാനം ചെയ്യുന്നതിന് മാത്രമല്ല. ഇനി മുടിവളരുന്നതിനും മുഖക്കുരു അകറ്റുന്നതിനും കട്ടൻ ചായ ഉപയോഗിക്കാം..
മുടി കൊഴിച്ചിലകറ്റി സ്വാഭാവിക നിറവും തിളക്കവും വർദ്ധിപ്പിക്കുന്നതിന് ഏറെ സഹായിക്കുന്ന ഒന്നാണ് കട്ടൻ ചായയെന്നാണ് വിദഗ്ധർ പറയുന്നത്. താരൻ അകറ്റാനും കട്ടൻ ചായ സഹായിക്കുന്നു. മുടി വളർച്ചയ്‌ക്ക് സഹായിക്കുന്ന വിറ്റാമിൻ ഇ, അയേൺ തുടങ്ങിയ പോഷകഗുണങ്ങൾ ചായപ്പൊടിയിൽ അടങ്ങിയിരിക്കുന്നു. അതിനാൽ കട്ടൻ ചായ കുടിക്കുകയോ മുടിയിൽ പുരട്ടുകയോ ചെയ്യാം. എന്നാൽ പഞ്ചസാര ഇടാതെ കട്ടൻ ചായ ഉണ്ടാക്കണമെന്ന് മാത്രം. ഇത് ഒരു സ്‌പ്രേ ബോട്ടിലിലാക്കി മുടിയിൽ സ്‌പ്രേ ചെയ്ത് കൊടുക്കാം. 15-20 മിനിട്ട് മുടി ഉണങ്ങുന്നതിനായി വയ്‌ക്കുക. ശേഷം കഴുകി കളയാവുന്നതാണ്.
കട്ടൻ ചായയിൽ തേനൊഴിച്ച് കുടിക്കുന്നത് ചർമ്മത്തിന് നല്ലതാണ്. ത്വക്കിന് നിറം നൽകുന്നതിനും അൾട്രാവയലറ്റ് രശ്മികളിൽ നിന്ന് ത്വക്കിനെ സംരക്ഷിക്കാനും ഇത് സഹായിക്കുന്നു. മുഖക്കുരു അകറ്റുന്നതിനും കട്ടൻ ചായയിൽ തേനൊഴിച്ച് കുടിക്കാം..
