തൃശൂർ: കളിച്ചുകൊണ്ടിരിക്കെ മതിൽ ഇടിഞ്ഞ് ദേഹത്ത് വീണ് ഏഴു വയസ്സുകാരി മരിച്ചു. മാമ്പ്രാ തൊട്ടിപ്പറമ്പിൽ മഹേഷ് കാർത്തികേയൻ-ലക്ഷ്മി ദമ്പതികളുടെ മകൾ ദേവീഭദ്രയാണ് മരിച്ചത്. മതിൽ ഇടിഞ്ഞ് കുട്ടിയുടെ തലയിലേക്ക് വീഴുകയായിരുന്നു. കുട്ടികൾ കളിച്ചുകൊണ്ടിരിക്കെയായിരുന്നു അപകടം.
പഴക്കം ചെന്ന മതിലിന് താഴെയിരുന്ന് കുട്ടി കളിക്കുകയായിരുന്നു. ഇതിനിടെയാണ് മതിൽ ഇടിഞ്ഞ് തലയിലേക്ക് വീണത്. കുട്ടിയെ ഉടൻ തന്നെ തൃശൂർ അമല മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല.
