പാടുന്നതിനിടെ നെഞ്ചിൽ കൈവച്ച് പിടഞ്ഞു വീണു; എ‍ഡിഎമ്മിന് ദാരുണാന്ത്യം

ഒഡീഷയിലെ ​ഗജപതിയിലെ ഒരു ചടങ്ങിൽ പാടുന്നതിനിടെ അഡീഷണൽ ജില്ലാ കളക്ടർ( എ‍ഡിഎം) കുഴഞ്ഞു വീണ് മരിച്ചു. ഇന്നലെ രാത്രിയായിരുന്നു സംഭവം. മുതിർന്ന ഉദ്യോ​ഗസ്ഥനായ ബീരേന്ദ്ര ദാസാണ് ജ​ഗന്നാഥ് ഭജൻ പാടുന്നതിനിടെ കുഴഞ്ഞുവീണത്. പരലഖെമുണ്ടിയിലെ ഒരു കൊട്ടാരത്തിലാണ് ഡിന്നർ ഏർപ്പെടുത്തിയിരുന്നത്. സംഭവത്തിന്റെ വീഡിയോ സോഷ്യൽ മീഡിയയിൽ പ്രചരിച്ചു.

ഉടനെ ഉദ്യോ​ഗസ്ഥനെ ജില്ലാ ഹെഡ്ക്വാർട്ടേഴ്സ് ആശുപത്രിയിലെത്തിച്ചെങ്കിലും ​നില ​ഗുരുതരമായതോടോെ ബെർഹാംപൂർ എംകെസിജി മെ‍‍ഡിക്കൽ കോളേജ് ആശുപത്രിയിലേക്ക് മാറ്റി. എന്നാൽ ഡോക്ടർമാ‍ർ ഇദ്ദേഹത്തിന്റെ മരണം സ്ഥിരീകരിക്കുകയായിരുന്നു. ഉദ്യോ​ഗസ്ഥന്റെ മരണത്തിന്റെ കാരണം ഇതുവരെ വ്യക്തമായിട്ടില്ല. വേ​ദിയിൽ പാടുന്നതിനിടെ അദ്ദേഹം നിലതെറ്റി കുഴഞ്ഞു വീഴുകയായിരുന്നു.

ഉദ്യോ​ഗസ്ഥന്റെ മരണത്തിൽ ഒഡീഷ മുഖ്യമന്ത്രി മോഹൻ ചരൺ മാഞ്ചി അനുശോചനം രേഖപ്പെടുത്തി. സാധാരണക്കാരുടെ ക്ഷേമത്തിന് വേണ്ടി പ്രവർത്തിക്കുന്ന മികച്ച ഉദ്യോ​ഗസ്ഥനായിരുന്നു ബീരേന്ദ്ര ദാസെന്ന് അദ്ദേഹം പറഞ്ഞു.

OAS officer collapses and dies while singing Jagannath bhajan #WATCH | Gajapati ADM (Revenue) Birendra Kumar Das collapsed and died while singing a bhanjan at Brundaban palace in Paralakhemundi on Wednesday night #Odisha #bhajan #OASOffircer #BirendraDas pic.twitter.com/dCvL5A3z4M

— Argus News (@ArgusNews_in) July 11, 2024