വയനാട്: മാനന്തവാടിയിലെ ബാണാസുര സാഗർ അണക്കെട്ടില്‍ ഓറഞ്ച് അലർട്ട് പ്രഖ്യാപിച്ചു. ഡാമിലെ ജലനിരപ്പ് 773.50 മീറ്ററായി ഉയർന്നാൽ ഷട്ടറുകൾ തുറക്കുമെന്ന് അറിയിച്ചു. അണക്കെട്ടിലെ അധികജലം ഒഴുക്കി വിടുന്നതിന്റെ ഭാഗമായിട്ടുള്ളതാണ് മുന്നറിയിപ്പ്. വൃഷ്ടി പ്രദേശത്ത് മഴ തുടരന്ന സാഹചര്യത്തിലാണ് ഷട്ടർ തുറക്കാൻ തീരുമാനിച്ചത്.
ജലനിരപ്പ് 773.50 മീറ്ററായി ഉയർന്നാൽ ഷട്ടർ തുറക്കുമെന്ന് വയനാട് ജില്ലാ കളക്ടർ അറിയിച്ചു. അണക്കെട്ടിന്റെ സമീപപ്രദേശങ്ങളിലുളളവർ ജാഗ്രത പാലിക്കണമെന്ന് മുന്നറിയിപ്പുണ്ട്. അടിയന്തര സാഹചര്യമുണ്ടായാല്‍ താഴ്ന്ന പ്രദേശങ്ങളില്‍ താമസിക്കുന്നവരെ മാറ്റിപ്പാര്‍പ്പിക്കാന്‍ ബന്ധപ്പെട്ട തദ്ദേശ സ്ഥാപനങ്ങളിലെ സെക്രട്ടറിമാര്‍, വില്ലേജ് ഓഫിസര്‍മാര്‍ ജാഗ്രത പുലര്‍ത്തണമെന്നും മുന്നറിയിപ്പിൽ പറയുന്നു.
