ഭോപ്പാൽ : മധ്യപ്രദേശിലെ മൊറേനയിൽ തിങ്കളാഴ്ച ട്രാക്ടർ ട്രോളിയിൽ ട്രക്ക് ഇടിച്ച് രണ്ട് ‘കൻവാരിയകൾ’ മരിക്കുകയും 14 പേർക്ക് പരിക്കേൽക്കുകയും ചെയ്തതായി പോലീസ് അറിയിച്ചു.
ജില്ലാ ആസ്ഥാനത്ത് നിന്ന് 10 കിലോമീറ്റർ അകലെയുള്ള ദേശീയ പാത 44 ൽ പുലർച്ചെ 5 മണിയോടെയാണ് സംഭവം നടന്നത്. ഇതിൽ പ്രകോപിതരായ ഗ്രാമീണർ ട്രക്ക് ഡ്രൈവറെ മർദിക്കുകയും കുറച്ച് നേരം റോഡ് തടയുകയും ചെയ്തു. കൻവാർ യാത്രയിൽ തീർത്ഥാടകർക്ക് സഹായം നൽകുന്നതിനായി പോകുകയാരുന്നു ട്രാക്ടർ ട്രോളി.
സിഹോനിയ പ്രദേശത്തെ ഭരത് ലാൽ ശർമ്മ (37), രാംനരേഷ് ശ്രമ (26) എന്നീ രണ്ട് കൻവാരിയകൾ മരിക്കുകയും 14 പേർക്ക് പരിക്കേൽക്കുകയും ചെയ്തു. പരിക്കേറ്റവരെ ആശുപത്രിയിൽ പ്രവേശിപ്പിച്ചു, മിക്കവരും നിലവിൽ അപകടനില തരണം ചെയ്തിട്ടുണ്ട്. റോഡ് തടസ്സം നീക്കി,” മൊറേന അഡീഷണൽ പോലീസ് സൂപ്രണ്ട് (എഎസ്പി) അനുരാഗ് താക്കൂർ പറഞ്ഞു.
ക്രമസമാധാനപാലനത്തിനായി സ്ഥലത്തു നിരവധി ഉദ്യോഗസ്ഥരെ വിന്യസിച്ചിട്ടുണ്ടെന്നും പോലീസ് അറിയിച്ചു.
