അടുത്തുള്ള ഫെഡറൽ ബാങ്കിലൊരു ജോലി ആയാലോ? ചിന്തിച്ചിരുന്ന് നേരം കളയേണ്ട, ഇതു തന്നെ സുവർണാവസരം

ഫെഡറൽ ബാങ്കിൽ ഓഫീസർ തസ്തികയിൽ അവസരം. ജൂനിയർ മാനേജ്മെന്റ് ​ഗ്രേഡ് 1 തസ്തികയിലാണ് നിയമനം. ഓ​ഗസ്റ്റ് 12 വരെ ഓൺലൈനായി അപേക്ഷിക്കാം.

ബിരുദാനന്തര ബിരുദധാരികൾക്ക് അപേക്ഷിക്കാം. പത്ത്, പ്ലസ്ടു, ഡിപ്ലോമ, ബിരുദ പിജി തലങ്ങളിൽ 60 ശതമാനം മാർക്ക് നേടിയവരാകണം. അപേക്ഷകർക്ക് 2024 ജൂൺ ഒന്നിന് 27 വയസ് കവിയരുത്. പട്ടികവിഭാ​ഗത്തിന് അഞ്ച് വർഷത്തെ ഇളവുണ്ട്.

ഓൺലൈൻ ആപ്റ്റിറ്റ്യൂഡ് ടെസ്റ്റ്, ​ഗ്രൂപ്പ് ഡിസ്കഷൻ, പഴ്സനൽ ഇന്റർവ്യൂ എന്നിവ അടിസ്ഥാനമാക്കിയാണ് തെരഞ്ഞെടുപ്പ്. പട്ടികവിഭാ​ഗത്തിന് 140 രൂപയും മറ്റുള്ളവർക്ക് 700 രൂപയുമാണ് അപേക്ഷ ഫീസ്. കൂടുതൽ വിവരങ്ങൾക്ക് www.federalbank.co.in സന്ദർശിക്കുക.