ആലപ്പുഴ: ആലപ്പുഴ നഗരത്തിലെ സർക്കാർ സ്കൂളിലെ പ്ലസ് വൺ വിദ്യാർത്ഥികൾ പരസ്പരം ഏറ്റുമുട്ടിയതിനെത്തുടർന്നുണ്ടായ സംഘർഷം ഒടുവിൽ വെടിവെപ്പിൽ കലാശിച്ചു. സഹപാഠിക്കു നേരേ മറ്റൊരു വിദ്യാർത്ഥി വെടിവെക്കുകയായിരുന്നു. സംഭവത്തിൽ ആർക്കും പരിക്കില്ല.
ചൊവ്വാഴ്ച ഉച്ചയോടെ ആലപ്പുഴ നഗരത്തിലെ സർക്കാർ സ്കൂളിനു മുന്നിലെ റോഡരികിലായിരുന്നു സംഭവം.
സംഭവമറിഞ്ഞ അധ്യാപകർ ബുധനാഴ്ച പോലീസിൽ പരാതി നൽകി. തുടർന്ന് ആലപ്പുഴ സൗത്ത് പോലീസ് വെടിയേറ്റ വിദ്യാർഥിയുടെ മൊഴിയെടുത്തു.
വെടിവെച്ച വിദ്യാർത്ഥിയുടെ വീട്ടിൽ പോലീസ് നടത്തിയ പരിശോധനയിൽ എയർഗണ്ണും കത്തിയും കണ്ടെടുത്തു. ഇപ്പോൾ ഉൾപ്പെട്ടിട്ടുള്ള വിദ്യാർത്ഥികളെ കൂടാതെ വേറെ രണ്ടു വിദ്യാർത്ഥികളും സംഭവത്തിൽ ഉൾപ്പെട്ടിട്ടുണ്ട് എന്ന് റിപോർട്ടുണ്ട്. എല്ലാവരും പ്രായപൂർത്തിയാകാത്തവരാണ്. അതിനാൽ പോലീസ് ജുവനൈൽ കോടതിക്കു റിപ്പോർട്ട് നൽകി. കുട്ടികൾ ജുവനൈൽ കോടതിയിൽ ഹാജരാകണം.
