കുവൈത്ത്: നാട്ടിലേക്കുള്ള യാത്രക്കിടയിൽ പ്രവാസി വിമാനത്തിൽ വച്ച് മരിച്ചു. ഹൃദയാഘാതത്തെ തുടർന്നാണ് മരണം. റാന്നി സ്വദേശി ചാക്കോ തോമസാണ് ആണ് മരിച്ചത്. 55 വയസ് ആയിരുന്നു.
കുവൈത്ത് അൽ ഈസ മെഡിക്കൽ കമ്പനി ജീവനക്കാരനാണ്. വ്യാഴാഴ്ച രാത്രി കുവൈത്ത് എയർവേയ്‌സിൽ തിരുവനന്തപുരത്തേക്ക് തിരിച്ച ചാക്കോ തോമസിന് യാത്രക്കിടെ അസ്വസ്ഥത അനുഭവപ്പെടുകയായിരുന്നു. തുടർന്ന് വിമാനം ദുബായിൽ അടിയന്തിരമായി ലാൻഡ് ചെയ്‌തെങ്കിലും , അപ്പോഴേക്കും ജീവൻ നഷ്ടപ്പെട്ടിരുന്നു എന്നാണ് വിവരം.
മൃതദേഹം ദുബായിലെ മോർച്ചറിയിലേക്ക് മാറ്റി. നടപടിക്രമങ്ങൾ പൂർത്തിയാക്കി വരും ദിവസങ്ങളിൽ മൃതദേഹം നാട്ടിലേക്കു കൊണ്ടുപോകും.
