ശങ്ക സഹിക്കാനായില്ല, മൈതാനത്ത് കാര്യം സാധിച്ചു; ഫുട്ബോൾ താരത്തിന് റെഡ് കാർഡ്

ഒരു ഫുട്ബോൾ‌ മത്സരത്തിനിടെ സംഭവിച്ച വിചിത്ര സംഭവത്തിന്റെ വീഡിയോയാണ് ഇപ്പോൾ സോഷ്യൽ മീഡിയയുടെ ശ്രദ്ധയാകർഷിക്കുന്നത്. ഒരു താരത്തിന് റെഡ് കാർഡ് നൽകിയതിന്റെ കാരണമാണ് വീഡിയോ വൈറലാകാൻ കാരണം. കോപ പെറു മത്സരത്തിനിടെയായിരുന്നു സംഭവം. അത്ലറ്റികോ അവാജുൻ- കാൻഡോർസില്ലോ എന്നീ ടീമുകൾ തമ്മിലുള്ള മത്സരത്തിനിടെയാണ് മൂത്രമൊഴിച്ചതിന് ഒരു താരം ചുവപ്പ് കാർഡ് കണ്ട് പുറത്താകുന്നത്.

മത്സരത്തിന്റെ 71-ാം മിനിട്ടിൽ അത്ലറ്റികോയ്‌ക്ക് ഒരു ഫ്രീ കിക്ക് ലഭിച്ചു. ഇതിനിടെ എതിർ ടീം ​ഗോളി ലഞ്ചോ റൂയിസ് പരിക്കേറ്റ് ചികിത്സ തേടുകയായിരുന്നു. മുനോസ് എന്ന താരം കോർണറെടുക്കാൻ ഫ്ലാ​ഗിന് അടുത്ത് നിൽക്കുകയായിരുന്നു. കാത്തിരിപ്പ് തുടർന്നതോടെ ഇയാൾ മൈതാനത്ത് തന്നെ മൂത്ര ശങ്കമാറ്റി. സൈഡ് ലൈനിന് പുറത്ത് മൂത്രമൊഴിക്കുന്ന താരത്തെ പ്രവൃത്തി എതിർ താരം റഫറിയെ അറിയിച്ചു. ഇതോടെ ഉടൻ മുനോസിന് ചുവപ്പ് കാർഡ് നൽകുകയായിരുന്നു.

കാര്യം വിശദീകരിക്കാൻ താരം ശ്രമിച്ചെങ്കിലും റഫറി ചെവിക്കാെണ്ടില്ല. കേണപേക്ഷിച്ചെങ്കിലും റഫറി തീരുമാനം പിൻവലിച്ചില്ല. ഇതോടെ താരത്തിന് മൈതാനം വിടേണ്ടിവന്നു. ഈ നിമിഷങ്ങളെല്ലാം ലൈവായി ടെലികാസ്റ്റ് ചെയ്യുകയും ചെയ്തു. ​ഗ്രൗണ്ടിൽ മൂത്രമാെഴിഞ്ഞതിന് പുറത്താകുന്ന ആദ്യ താരമല്ല മുനോസ്. 2017 സാൽഫോർഡ് സിറ്റി ​ഗോൾ കീപ്പറും സമാന സംഭവത്തിന് റെഡ് കാർഡ‍് വാങ്ങിയിരുന്നു.

𝐄𝐥 𝐟𝐮́𝐭𝐛𝐨𝐥 𝐬𝐮𝐝𝐚𝐦𝐞𝐫𝐢𝐜𝐚𝐧𝐨 𝐧𝐮𝐧𝐜𝐚 𝐝𝐞𝐣𝐚𝐫𝐚́ 𝐝𝐞 𝐬𝐨𝐫𝐩𝐫𝐞𝐧𝐝𝐞𝐫

🇵🇪 Cantorcillo vs Atlético Awajun de Copa Perú

🚽 Sebastián Muñoz (Atlético Awajun) es expulsado ¡¡por ponerse a orinar en el saque de esquina en pleno partido!! pic.twitter.com/Blve6VFIGS

— Miguel Ángel García (@Miguelin_24_) August 18, 2024