ഒരു രോമം പോലും ബാക്കിയില്ല, കണ്ണിലെ കൃഷ്ണമണി മുതൽ കാലിലെ നഖം വരെ പച്ചകുത്തി ഗിന്നസ് ബുക്കിൽ ഇടം നേടിയിരിക്കുകയാണ് അമേരിക്കൻ പട്ടാള ഉദ്യോഗസ്ഥയായിരുന്ന Esperance Lumineska Fuerzina. ശരീരത്തിൽ 99.98 ശതമാനവും പച്ചകുത്തി ഈ 36 കാരി രണ്ട് ലോക റെക്കോർഡുകളാണ് ഒറ്റയടിക്ക് തന്റെ പേരിലാക്കിയിരിക്കുന്നത്.
ഏകദേശം പത്ത് വർഷത്തോളമെടുത്താണ് Esperance ഈ അപൂർവ നേട്ടം സ്വന്തമാക്കിയത്. തന്റെ സ്വാഭാവിക ശരീര രൂപത്തിൽ തന്നെ മാറ്റം വരുത്തിയാണ് അവർ ശരീരമാസകലം പച്ചകുത്തിയിരിക്കുന്നത്. കണ്ണിനുള്ളിൽ നിറവ്യത്യസമുള്ള മഷി ഉപയോഗിച്ചാണ് ടാറ്റൂ ചെയ്തിരിക്കുന്നത്. തലയോടിന്റെ പുറം ഭാഗത്ത് ചെറിയ സ്കെയിലുകൾ പോലുള്ള വസ്തുക്കൾ വച്ചുപിടിപ്പിച്ചിട്ടുണ്ട്. ഏകദേശം 89 89 രൂപമാറ്റങ്ങളാണ് ഇത്തരത്തിൽ അവർ തന്റെ ശരീരത്തിൽ വരുത്തിയിട്ടുള്ളത്. ഇത് കൂടാതെ നാവ്, മോണ, ചെവിയുടെ ഉൾഭാഗം എന്നിങ്ങനെ അതിസൂക്ഷ്മമായി എല്ലാ ഭാഗവും ടാറ്റൂ കൊണ്ട് നിറച്ചിരിക്കുന്നു.
“കറുപ്പിനെ സൗന്ദര്യമാക്കി മാറ്റുക” എന്ന പ്രമേയത്തിൽ തന്റെ ശരീരത്തെ ഒരു ചലിക്കുന്ന ക്യാൻവാസ് ആക്കുകയെന്ന ആഗ്രഹമാണ് Esperance പൂർത്തിയാക്കിയിരിക്കുന്നത്. തീവ്രമായ ടാറ്റൂ സെഷനുകളുടെ വേദന Esperance ധ്യാനത്തിലൂടെയാണ് മറികടക്കുന്നത്. ലോക റെക്കോർഡ് നേടാനായതിൽ അഭിമാനവും ആശ്ചര്യവും തോന്നുവെന്ന് അവർ പ്രതികരിച്ചു.
