കൊച്ചി : നടനും , എം എൽ എയുമായ മുകേഷിനെതിരെയും ലൈംഗികാരോപണം. ചലച്ചിത്ര സാങ്കേതിക പ്രവർത്തക ടെസ് ജോസഫാണ് മുകേഷിനെതിരെ പരാതി ഉന്നയിച്ചിരിക്കുന്നത് . സൂര്യ ടിവിയിൽ നടന്ന കോടീശ്വരൻ പരിപാടിയുടെ ഷൂട്ടിംഗിനിടെയാണ് തനിക്ക് ഇത്തരമൊരു അനുഭവമുണ്ടായതെന്നായിരുന്നു ടെസ് ജോസഫ് വെളിപ്പെടുത്തിയത് . .മി ടൂ കാമ്പയിൻ തരംഗമായ സമയത്തായിരുന്നു ആദ്യം മുകേഷിനെതിരായ ആരോപണങ്ങള്‍ രംഗത്തുവന്നത്.
ഹോട്ടൽ മുറിയിലെ ഫോണിൽ വിളിച്ച് തന്നെ ശല്യപലതവണ തന്റെ റൂമിലേക്ക് മുകേഷ് പല തവണ വിളിച്ചതായും ടെസ് വെളിപ്പെടുത്തിയിരുന്നു .പിന്നീട് അന്നത്തെ തന്റെ മേധാവി ഡെറിക് ഒബ്രിയാൻ തന്നോട് ദീർഘനേരം സംസാരിക്കുകയും,തന്നെ അവിടെ നിന്നും രക്ഷപെടുത്തി ഫ്ലൈറ്റിൽ അയക്കുകയുമായിരുന്നു.താൻ തങ്ങിയിരുന്ന ചെന്നൈയിലെ ലെ മെറിഡിയൻ ഹോട്ടൽ ഇവർക്കായി ഒത്താശ ചെയ്തിരുന്നുവെന്നും ടെസ് അന്ന് വ്യക്തമാക്കിയിരുന്നു.
ഇപ്പോൾ വീണ്ടും സോഷ്യൽ മീഡിയയിൽ തന്റെ ആരോപണം ടെസ് ഉന്നയിച്ചിരിക്കുകയാണ്. നിയമം അധികാരമുള്ളവർക്ക് വേണ്ടിയാണ് പ്രവർത്തിക്കുന്നതെന്നാണ് ടെസ് ജോസഫ് കുറിപ്പിൽ പറയുന്നത്.
