തിരുവനന്തപുരം: ശ്രീകൃഷ്ണ ജയന്തിയോട് അനുബന്ധിച്ച് ധനുവച്ചപുരത്ത് സ്ഥാപിച്ച കൊടിമരം ഇരുട്ടിന്റെ മറവിൽ സിപിഎം-ഡിവൈഎഫ്ഐ പ്രവർത്തകർ നശിപ്പിച്ചതായി പരാതി. കുട്ടപ്പൻ എന്ന് വിളിക്കുന്ന സന്തോഷ്, സതീഷ് എന്നിവരുടെ നേതൃത്വത്തിലാണ് കൊടിമരം നശിപ്പിച്ചതെന്നാണ് ആക്ഷേപം.
ക്രമസമാധാന നില തകർക്കാൻ ഒരുകൂട്ടം സിപിഎം-ഡിവൈഎഫ്ഐ പ്രവർത്തകൾ ശ്രമിക്കുകയാണെന്നാണ് ഹൈന്ദവ സംഘടനകളുടെ ആരോപണം. സിസിടിവി ദൃശ്യങ്ങൾ പുറത്തുവന്നിട്ടും പാറശ്ശാല പൊലീസ് യാതൊരുവിധ നടപടിയും ഇതുവരെ സ്വീകരിച്ചിട്ടില്ലെന്നാണ് പരാതി.
ഇന്ന് ശ്രീകൃഷ്ണ ജയന്തിയോട് അനുബന്ധിച്ച് സംസ്ഥാനത്തെ വിവിധ ക്ഷേത്രനഗരങ്ങളിൽ ആഘോഷങ്ങൾ നടക്കുകയാണ്. ഗുരുവായൂർ ക്ഷേത്രത്തിലടക്കം അഷ്ടമിരോഹിണി ആഘോഷങ്ങൾ ആരംഭിച്ചുകഴിഞ്ഞു.
