കൊച്ചി : ഹേമ കമ്മിറ്റി റിപ്പോർട്ടിന്റെ പേരിൽ പലരും ലക്ഷ്യം വയ്‌ക്കുന്നത് നടൻ മോഹൻലാലിനെയാണെന്ന് നടനും സംവിധായകനുമായ സന്തോഷ് പണ്ഡിറ്റ്. . ഒരു യൂട്യൂബ് ചാനലിന് നൽകിയ അഭിമുഖത്തിലായിരുന്നു അദ്ദേഹത്തിന്റെ പ്രതികരണം.മലയാളികൾ കഥയറിയാതെ ആട്ടം കാണുകയാണെന്നും പലരും ഈ വിഷയം ഏറ്റു പിടിക്കുന്നത് സ്ത്രീകളുടെ നന്മയെ കരുതിയല്ലെന്നും സന്തോഷ് പണ്ഡിറ്റ് പറയുന്നു.
‘ ഇവിടുത്തെ വിഷയം സ്ത്രീകളേയല്ല , ആണുങ്ങൾ തമ്മിലുള്ള യുദ്ധമാണിത് . മോഹൻലാൽ എന്ന നടനെ സ്ട്രെയിറ്റായി ആക്രമിക്കുക .മോഹൻലാലിന്റെ ഇമേജ് തകർക്കുക എന്നതാണ് ലക്ഷ്യം .അതിനു വേണ്ടിയാണ് സ്വന്തം നിലയിൽ ചാനലുകൾ ഉള്ള ആളുകൾ , ഓരോരുത്തർ അവരവരുടെ പവറാണല്ലോ യൂസ് ചെയ്യുക .തുടക്കം മുതൽ ഈ നടനെതിരെയാണ് കൂരമ്പുകൾ .ഒരു ബന്ധവുമില്ലാത്ത കേസിൽ പോലും അദ്ദേഹത്തിന്റെ ഇമേജാണ് ഉപയോഗിക്കുന്നത് . ഇതുവരെ ഒരു പെൺകുട്ടിയും അദ്ദേഹത്തിനെതിരെ പരാതിയുമായി വന്നിട്ടില്ല . പക്ഷെ എന്നിട്ടും എത്രയോ ഓൺലൈൻ ചാനലുകൾ അദ്ദേഹത്തിന്റെ ചിത്രം വയ്‌ക്കുന്നു.
രാധിക കാരവാനിൽ ഒളിക്യാമറ വച്ച കാര്യം പറഞ്ഞു . അത് മോഹൻലാൽ വിളിച്ചു അന്വേഷിച്ചുവെന്നും പറഞ്ഞു . അതിലും അദ്ദേഹത്തിന്റെ ചിത്രം കൊടുക്കുന്നു. എന്തിനു വേണ്ടിയാണത് . ‘ – സന്തോഷ് പണ്ഡിറ്റ് ചോദിച്ചു.
തിരുവനന്തപുരം, എറണാകുളം, മട്ടാഞ്ചേരി മാഫിയ. ഇതിൽ മട്ടാഞ്ചേരി മാഫിയ ഏറ്റവും ഒടുവിൽ 2014ൽ രൂപീകൃതമായ ഒന്നാണ്. ഇതിലെ പ്രധാനപ്പെട്ട നടൻമാർ തമ്മിലുള്ള യുദ്ധം നേരത്തെ തന്നെയുണ്ട്. ഈ മാഫിയകൾ തമ്മിലുള്ള യുദ്ധമാണ് ഇപ്പോൾ നടന്ന് കൊണ്ടിരിക്കുന്നത് .
ഞാൻ ഒരു മുഖ്യമന്ത്രി ആയിരുന്നെങ്കിൽ റിപ്പോർട്ട് പൂർണമായും പുറത്തുവിട്ടേനെ. പിറ്റേദിവസം അത് നിയമസഭയിൽ വയ്‌ക്കണം .ആ റിപ്പോർട്ടിൽ പുറത്ത് കാണാത്ത വിഷയങ്ങൾ ഇനിയും ഉണ്ട് . അപ്പോൾ അങ്ങനെയല്ലേ ചെയ്യേണ്ടത്. മലയാളത്തിലെ രണ്ട് പ്രധാന സിനിമാ സംഘടനകളെ കൈയിലാക്കാൻ മൂന്ന് മാഫിയകൾ ശ്രമം നടത്തുന്നുണ്ട്. അവർ ഇങ്ങനെ അവസരം കാത്ത് നിൽപ്പാണ് എങ്ങനെ എങ്കിലും ഇതൊന്ന് ഹൈജാക്ക് ചെയ്‌ത്‌ എടുക്കാൻ. അപ്പോഴാണ് ഈ സംഭവം ഉണ്ടാവുന്നത്. പക്ഷെ ഈ രാധിക പറഞ്ഞ കാരവാൻ വിഷയം ഇവരുടെ ഒന്നും അജണ്ടയിലേ ഇല്ല . തുടർച്ചയായി ഒരു മാഫിയയിലെ ആളുകൾ മറ്റൊരു മാഫിയയിലെ ആളുകൾക്ക് എതിരെയാണ് ആരോപണം ഉന്നയിച്ചു കൊണ്ടിരിക്കുന്നത്.‘ – എന്നും അദ്ദേഹം പറഞ്ഞു.
