മുംബൈ: ബോംബ് ഭീഷണിയെ തുടർന്ന് മുംബൈയിൽ നിന്ന് പുറപ്പെട്ട വിസ്താര വിമാനം തുർക്കിയിലേക്ക് വഴിതിരിച്ചുവിട്ടു. ഫ്രാങ്ക്ഫർട്ടിലേക്ക് പോയ വിസ്താരയുടെ യുകെ 27 എന്ന ബോയിങ് 787 വിമാനമാണ് വഴി തിരിച്ചുവിട്ടത്. വിമാനത്തിന്റെ ടോയ്‌ലറ്റിലെ ടിഷ്യൂപേപ്പറിലാണ് ബോംബ് ഭീഷണിയെക്കുറിച്ച് എഴുതി വച്ചിരുന്നത്.
തുർക്കിയിൽ വിമാനം സുരക്ഷിതമായി ലാൻഡ് ചെയ്തതായും പരിശോധനകൾ പൂർത്തിയായെന്നുമാണ് വിവരം. തുർക്കി വിമാനത്താവളത്തിലെ ഉദ്യോഗസ്ഥരും വിവരങ്ങൾ ശേഖരിക്കുന്നുണ്ട്. ‘ബോംബ് ഓൺ എയർപ്ലെയ്ൻ’ എന്നായിരുന്നു ടിഷ്യൂ പേപ്പറിൽ കുറിച്ചിരുന്നത്. തുർക്കിയിലെ എർസുറം വിമാനത്താവളത്തിലേക്കാണ് വിമാനം വഴി തിരിച്ചുവിട്ടത്.
ഭീഷണി വ്യാജമാണെന്ന് വ്യക്തമായാൽ യാത്ര തുടരുമെന്നും വിസ്താര അറിയിച്ചു.
