മൃഗങ്ങളെ കൊണ്ടുവരുന്നതിനിടെ ലോറി മറിഞ്ഞു; മുതലകൾ രക്ഷപ്പെട്ടു

ബംഗളൂരു: മൃഗങ്ങളെ കൊണ്ടുപോകുന്നതിനിടെ വാഹനം മറിഞ്ഞ് രണ്ട് മുതലകൾ രക്ഷപ്പെട്ടു. തെലങ്കാന നിർമൽ ജില്ലയിലെ മൊണ്ടിഗുട്ട ഗ്രാമത്തിന് സമീപമായിരുന്നു അപകടം.

ബീഹാറിലെ പാറ്റ്നയിലെ സഞ്ജയ് ഗാന്ധി ബയോളജിക്കൽ പാർക്കിൽ നിന്ന് രണ്ട് വെള്ള കടുവകളും എട്ട് മുതലകളുമായി ബംഗളൂരുവിലെ മൃഗശാലയിലേക്ക് പോകുകയായിരുന്നു ലോറി. ഇതിനിടെ നിയന്ത്രണം നഷ്ടപ്പെട്ട വാഹനം മേൽപ്പാലത്തിന്റെ സിമൻ്റ് തൂണുകളിൽ ഇടിക്കുകയായിരുന്നു. എന്നാൽ ലോറി മറിഞ്ഞിട്ടും കടുവകൾ സുരക്ഷിതരായിരുന്നു.

A lorry transporting eight gharials and two white tigers overturned at a sharp turn in Nirmal district, Telangana, resulting in the animals escaping from the site. However, with the assistance of the police, all the animals were safely recaptured. Authorities confirmed that none… pic.twitter.com/8h8QS1OD4T

— V Chandramouli (@VChandramouli6) October 18, 2024

വിവരമറിഞ്ഞ് സംഭവ സ്ഥലത്ത് എത്തിയ വനംവകുപ്പ് അധികൃതരും പൊലീസും നാട്ടുകാരും ചേർന്നാണ് മുതലകളെ പിടികൂടിയത്. തുടർന്ന് മറ്റൊരു വാഹനത്തിൽ മൃ​ഗങ്ങളെ ബം​ഗളൂരുവിലേക്ക് മാറ്റി. ഡ്രൈവർക്കതിരെ പൊലീസ് കേസ് രജിസ്റ്റർ ചെയ്തു.