കുളികഴിഞ്ഞ ശേഷം ശരീരത്തിലെ വെള്ളം തുവർത്തി കളയുന്നതിനാണ് നമ്മൾ ടവ്വലുകൾ ഉപയോഗിക്കുന്നത്. എന്നാൽ ശരീരം വൃത്തിയാക്കിയ ശേഷം ഉപയോഗിക്കുന്ന ടവ്വലുകളുടെ വൃത്തിയിൽ നിങ്ങൾ ശ്രദ്ധാലുവാണെന്ന് കരുതുന്നുണ്ടോ? കാരണം പലരും അവരുടെ ടവ്വലുകൾ ദിവസങ്ങളോളം കഴുകാതെ ഉപയോഗിക്കാറുണ്ട്. എന്നാൽ ഇത്തരത്തിൽ കഴുകാതെയുടെ ഉപയോഗത്തിലൂടെ ടവ്വലുകളിൽ ബാക്ടീരിയകളും ഫംഗസുകളും പെറ്റുപെരുകുമെന്നാണ് ഡോക്ടർമാർ മുന്നറിയിപ്പ് നൽകുന്നത്.
ചർമ്മ രോഗങ്ങൾ ഉൾപ്പെടെ ഗുരുതരമായ ആരോഗ്യപ്രശ്‌നങ്ങൾ വരെ ഇതുവഴി സംഭവിക്കാമെന്നാണ് ദി എസ്തറ്റിക് ക്ലിനിക്കിലെ കൺസൾട്ടന്റ് ഡെർമറ്റോളജിസ്റ്റ് ആയോ ഡോ.റിങ്കി കപൂർ പറയുന്നത്. കുളിച്ചതിന് ശേഷം ശരീരം വൃത്തിയാക്കാൻ ഉപയോഗിക്കുന്ന ടവ്വലുകൾ ഉപയോഗിക്കേണ്ടത് വളരെ അത്യാവശ്യമാണെന്നാണ് റിങ്കി കപൂർ പറയുന്നത്. ശരീരത്തിന്റെ ആരോഗ്യവും സുരക്ഷയും നിലനിർത്താൻ ഇത് അത്യാവശ്യമായ കാര്യമാണെന്നും ഇവർ പറയുന്നു.
ടവ്വലുകളിൽ ഈർപ്പവും ശരീരത്തിൽ നിന്നുള്ള എണ്ണകളും പറ്റിയിട്ടുണ്ടാകും. ഇത് ബാക്ടീരിയ, ഫംഗസ്, മറ്റ് സൂക്ഷ്മ ജീവികൾ എന്നിവയ്‌ക്ക് വളരാനുള്ള സാഹചര്യം കൃത്യമായി ഉണ്ടാക്കി കൊടുക്കുന്നതാണ്. ശരീരത്തിലെ അധിക വെള്ളം കളയുക എന്നത് മാത്രമല്ല ടവ്വലുകളുടെ കടമ, മറിച്ച് ത്വക്കിൽ നിന്നുള്ള മൃതകോശങ്ങളേയും, വിയർപ്പിനേയുമെല്ലാം ടവ്വലുകൾ വലിച്ചെടുക്കുന്നുണ്ട്. കഴുകാതെ ഇതേ ടവ്വൽ വീണ്ടും ഉപയോഗിക്കുന്നത് ചർമ്മ രോഗങ്ങളിലേക്ക് നയിക്കും.
നനഞ്ഞ അന്തരീക്ഷം ബാക്ടീരിയകളുടെ വളർച്ചയെ സഹായിക്കുന്നതാണ്. അണുബാധകൾക്ക് പുറമെ മുഖക്കുരു, ചുണങ്ങ്, ശരീരത്തിൽ തടിപ്പ് എന്നിവയ്‌ക്ക് കാരണമാകും. മാത്രമല്ല ടവ്വലുകൾ കഴുകാതെ വയ്‌ക്കുന്നത് വഴി അവയിൽ ദുർഗന്ധവും വ്യാപിക്കും. അതുകൊണ്ട് തന്നെ ടവ്വലുകൾ ദിവസവും കഴുകുന്നതാണ് ചർമ്മ സംരക്ഷണത്തിനും, ശരീര ശുചിത്വത്തിനും ഏറ്റവും നല്ലത്. ദിവസവും കഴുകാൻ സാധിച്ചില്ലെങ്കിൽ മൂന്ന് ദിവസത്തിലൊരിക്കൽ എന്ന രീതിയിലെങ്കിലും ഇവ കഴുകി വൃത്തിയാക്കണമെന്നും ഡോക്ടർ നിർദേശിക്കുന്നു.
