വീടിനുള്ളിൽ അലഞ്ഞുതിരിയുന്ന എലികളെ തുരത്തുന്നത് വലിയ തലവേദനയാണ്. വസ്ത്രങ്ങളും ആവശ്യമായ എല്ലാ വസ്തുക്കളും തുരന്ന് സ്വസ്ഥത തന്നെ നശിപ്പിക്കും . ഈ എലികളെ വീട്ടിൽ നിന്ന് ഓടിക്കാൻ നിങ്ങളും പല തന്ത്രങ്ങളും പരീക്ഷിച്ചിരിക്കാം. എന്നാൽ ഇനി ഈ ചെടികൾ വീടിനു മുന്നിൽ നട്ട് നോക്കൂ എലികൾ വീടിനടുത്തേക്ക് വരില്ല.
റോസ്മേരി ചെടി: കേശസംരക്ഷണത്തിൽ പ്രധാന പങ്ക് വഹിക്കുന്ന ഒരു സുഗന്ധ സസ്യമാണിത്. നേർത്ത ഇലകളുള്ള, തീക്ഷ്ണ ഗന്ധമുള്ള ആകർഷകമായ ചെടിയാണ് റോസ്മേരി. പൂന്തോട്ടത്തിലും അതിർത്തിച്ചെടിയായും വളർത്താം. അടുക്കളത്തോട്ടത്തിൽ ചട്ടിയിലോ നിലത്തോ വളർത്താം.ഇതിന്റെ ഗന്ധം താങ്ങാനാകാത്തതു കൊണ്ട് തന്നെ എലികൾ വരില്ല.
ലാവെൻഡർ പ്ലാൻ്റ്: മെഴുകുതിരികളിലും , ചില എണ്ണകളിലും ഉപയോഗിക്കുന്ന സുഗന്ധമുള്ള സസ്യമാണിത്. വീട്ടിൽ ലാവെൻഡർ ചെടി നട്ടുവളർത്തുന്നത് എലി ശല്യത്തിൽ നിന്ന് രക്ഷ നൽകും.
പുതിന ചെടി: ആയുർവേദ ഔഷധങ്ങളുടെ ഒരു പ്രധാന ഘടകമാണ് തുളസി ചെടികൾ, പരമ്പരാഗത ഔഷധങ്ങളിലും ഉപയോഗിക്കുന്നു.പുതിനയിലയുടെ രൂക്ഷഗന്ധം എല്ലാവർക്കും ഇഷ്ടമാണ്. പാരിസ്ഥിതിക ആഘാതം കുറയ്‌ക്കുന്നതിനൊപ്പം ഉറുമ്പുകൾ, കാക്കകൾ , എലികൾ എന്നിവയെ തുരത്താനുള്ള മാർഗം കൂടിയാണിത്.
ബോൾ ഫ്ലവർ പ്ലാൻ്റ്: കുങ്കുമവും മഞ്ഞയും കലർന്ന പൂവ് എലികളെ തുരത്താൻ ഫലപ്രദമാണ്. വീടിനു മുന്നിൽ ഈ ചെടികൾ നട്ടാൽ എലികളെ ഓടിക്കാം
ഡാഫോഡിൽ ചെടി: ഡാഫോഡിലിന്റെ എല്ലാ ഭാഗങ്ങളും വിഷാംശം ഉള്ളതിനാൽ ഏറെ സൂക്ഷിച്ച് വേണം ഇത് പരിപാലിക്കാൻ. ഡാഫോഡിൽ ചെടിയുടെ പൂക്കളിൽ നിന്ന് പുറപ്പെടുന്ന വിഷ ഗന്ധം എലികളെ തുരത്തും . വീടിനു മുന്നിൽ ഈ ചെടി നട്ടുപിടിപ്പിച്ചാൽ എലിശല്യം എളുപ്പത്തിൽ തടയാം.
