ന്യൂഡൽഹി : ജാമിയ മില്ലിയ ഇസ്ലാമിയയിൽ ദിവ്യാംഗയായ വിദ്യാർത്ഥിയായ മതം മാറ്റാൻ ശ്രമിച്ചതായി പരാതി. പ്രവേശന പരീക്ഷയിലും ഇൻ്റർവ്യൂവിലും മികച്ച വിജയം നേടി ജാമിയ മില്ലിയ ഇസ്ലാമിയയിലെ ജേണലിസം കോഴ്സിൽ പ്രവേശനം നേടിയ നമിത എന്ന വിദ്യാർത്ഥിനിയാണ് പരാതി നൽകിയത് .
ഒക്‌ടോബർ 19-ന് പോലീസിന് നൽകിയ പരാതിയിൽ ഒരു വർഷത്തിലേറെയായി ക്യാമ്പസിൽ അനുഭവിച്ച പീഡനത്തിന്റെയും ഭീഷണിയുടെയും ബലപ്രയോഗത്തിന്റെയും വിവരങ്ങളാണ് പറയുന്നത് . ഇസ്ലാമിലേക്ക് പരിവർത്തനം ചെയ്യാൻ തന്നെ നിർബന്ധിച്ചതായും , അത് തന്നെ മാനസിക സമ്മർദ്ദത്തിലാക്കിയതായും പരാതിയിൽ പറയുന്നു.
തന്റെ വിശ്വാസത്തിന്റെ അടിസ്ഥാനത്തിൽ തന്നെ ഇകഴ്‌ത്താനുള്ള ശ്രമങ്ങളുണ്ടായി . മൊബൈൽ നമ്പർ ക്യാമ്പസിൽ പ്രചരിപ്പിച്ചു.ഡാനിഷ് ഇഖ്ബാൽ എന്ന വിദ്യാർത്ഥി സാമൂഹികമായി ഒറ്റപ്പെടുത്താൻ കിംവദന്തികൾ പ്രചരിപ്പിച്ചതായും നമിതയുടെ പരാതിയിൽ പറയുന്നു.ഒരു ഭിന്നശേഷിയുള്ള വിദ്യാർത്ഥിയെന്ന നിലയിൽ, തനിക്ക് പ്രത്യേക താമസസൗകര്യങ്ങൾ ആവശ്യമായിരുന്നു, എന്നാൽ ഇത് വ്യവസ്ഥാപിതമായി നിരസിക്കപ്പെട്ടുവെന്നും നമിത പറയുന്നു.
‘ അവരുടെ ലക്ഷ്യം എന്നെ ശല്യപ്പെടുത്തുക മാത്രമല്ല, എന്നെപ്പോലുള്ള ഹിന്ദു പെൺകുട്ടികളെ ലക്ഷ്യം വയ്‌ക്കലാണ് . ഹിജാബ് ധരിക്കാത്ത പെൺകുട്ടി ബലാത്സംഗം ചെയ്യപ്പെട്ടുവെന്ന് അവർ സൂചിപ്പിച്ചു, എന്റെ സുരക്ഷ ഇസ്ലാമിക ആചാരങ്ങൾ പിന്തുടരുന്നതിനെ ആശ്രയിച്ചിരിക്കുന്നു” എന്ന് അവർ ഓർമ്മിപ്പിച്ചു, ഹിജാബ് ധരിക്കുന്നത് ജീവിതത്തിലേക്ക് “നൂർ” (അനുഗ്രഹം) കൊണ്ടുവരുമെന്നുംഅവർ ഓർമ്മിപ്പിച്ചു. ഒരു ഹിന്ദു സ്ത്രീയെന്ന നിലയിലുള്ള എന്റെ വ്യക്തിത്വം നശിപ്പിക്കാനുള്ള ശ്രമങ്ങളും ഉൾപ്പെടുന്നു ‘ എന്ന് നമിത പറയുന്നു.
