പത്തനംതിട്ട ; പമ്പയിൽ പുലിയിറങ്ങി . തിങ്കളാഴ്ച രാത്രി 8.30 നാണ് സംഭവം. പമ്പാ ഗണപതി ക്ഷേത്രത്തിന് സമീപമാണ് പുലിയിറങ്ങിയത്. ഇവിടെയുണ്ടായിരുന്ന ഒരു കാട്ടുപന്നിയെയും പുലി പിടിച്ചു . പുലിയെ കണ്ട് തീർഥാടകർ ബഹളം വച്ചതിനെ തുടർന്ന് പുലി കാട്ടിലേക്ക് ഓടി.
വനം വകുപ്പ്‌ സംഘം സ്ഥലത്ത്‌ പരിശോധന നടത്തിയെങ്കിലും പുലിയെ കണ്ടെത്താനായില്ല. മുമ്പും പമ്പയിലും ,സന്നിധാനത്തിന്റെ പരസരപ്രദേശങ്ങളിലും മൃഗങ്ങളുടെ സാന്നിധ്യം ഉണ്ടായിട്ടുണ്ട്‌. പമ്പയിലും പരിസരപ്രദേശങ്ങളിലുമെല്ലാം വനം വകുപ്പ്‌ കർശന ജാഗ്രത പുലർത്തുന്നുണ്ട്‌. ആശങ്കപ്പെടേണ്ട സാഹചര്യമില്ലെന്ന്‌ അധികൃതർ അറിയിച്ചു.
