തിരുവനന്തപുരം: എസ്ബിഐ ജീവനക്കാരിയാണെന്ന വ്യാജേന തട്ടിപ്പ് നടത്തി 31-കാരി. ലോൺ തരപ്പെടുത്തി നൽകാമെന്ന് പറഞ്ഞ് പലരിൽ നിന്നായി ലക്ഷങ്ങൾ തട്ടിയെടുത്ത കീഴാറൂർ സ്വദേശി സനിതയെയാണ് കൻ്റോൺമെന്റ് പൊലീസ് അറസ്റ്റ് ചെയ്തത്.
വഴുതക്കാട് എസ്ബിഐയിലെ ജീവനക്കാരിയാണെന്ന് തെറ്റിദ്ധരിപ്പിച്ചായിരുന്നു തട്ടിപ്പ്. പലരിൽ നിന്നായി ലോണിനുള്ള കമ്മീഷൻ എന്നുപറഞ്ഞ് ഗൂഗിൾ പേ വഴി ഇവർ 4.69 ലക്ഷം രൂപയാണ് കൈപ്പറ്റിയത്.
ലോൺ ലഭിക്കാതെ വന്നതോടെ പണം നൽകിയവർ നടത്തിയ അന്വേഷണത്തിലാണ് തട്ടിപ്പ് മനസിലായത്. തുടർന്ന് ഇവർ പൊലീസിൽ പരാതിപ്പെടുകയായിരുന്നു.
