സിനിമാ ലൊക്കേഷൻ പരിശോധിക്കാൻ എത്തി; ആർട്ട് ഡയറക്ടർ ചതുപ്പിൽ താഴ്ന്നു

കൊച്ചി: ലൊക്കേഷൻ പരിശോധനയ്‌ക്ക് എത്തിയ ആർട്ട് ഡയറക്ടർ ചതുപ്പിൽ താഴ്ന്നു. കൊച്ചി വൈപ്പിൻ എൽഎൻജി ടെർമിനലിന് മുന്നിലുള്ള പൈലിം​ഗ് ചെളി നിറഞ്ഞ ചതുപ്പിലാണ് അപകടമുണ്ടായത്. ആർട്ട് ഡയറക്ടർ നിമേഷാണ് ചതുപ്പിൽ താഴ്ന്നു പോയത്. ദിലീപ് നായകനാകുന്ന പുതിയ ചിത്രത്തിന്റെ ലൊക്കേഷൻ പരിശോധനയ്‌ക്ക് എത്തിയതായിരുന്നു നിമേഷ്.

അഗ്നിരക്ഷാ സേനയെത്തിയാണ് നിമേഷിനെ രക്ഷപ്പെടുത്തിയത്. പ്രദേശത്ത് അപകട സാധ്യത ബോർഡുകൾ ഉണ്ടായിരുന്നില്ല. മാത്രമല്ല ചെളിയുടെ മുകൾഭാ​ഗം ഉണങ്ങിക്കിടന്നതിനാൽ താഴെയുള്ള ചതുപ്പ് ഒറ്റനോട്ടത്തിൽ തിരിച്ചറിയാനും സാധിക്കില്ല. ഇതാണ് അപകടത്തിന് വഴിവെച്ചത്.