ന്യൂഡൽഹി: ഭാരത സ്വാതന്ത്ര്യസമരത്തിന് സുഭാഷ് ചന്ദ്രബോസിന്റെ സംഭാവന സമാനതകളില്ലാത്തതാണെന്ന് പ്രധാനമന്ത്രി നരേന്ദ്ര മോദി. വ്യാഴാഴ്ച അദ്ദേഹത്തിന്റെ ജന്മദിനത്തിൽ പ്രധാനമന്ത്രി നേതാജിക്ക് ആദരാഞ്ജലികൾ അർപ്പിച്ചു.
ബ്രിട്ടീഷുകാരോട് പോരാടാൻ ആസാദ് ഹിന്ദ് ഫൗജിനെ നയിച്ച ഐതിഹാസിക സ്വാതന്ത്ര്യ സമര സേനാനി ബോസിനെ അനുസ്മരിച്ചുകൊണ്ട്, അദ്ദേഹം ധൈര്യത്തിന്റെയും ധീരതയുടെയും പ്രതീകമാണെന്ന് പ്രധാനമന്ത്രി മോദി പറഞ്ഞു.
“ഇന്ന്, പരാക്രം ദിവസിൽ, ഞാൻ നേതാജി സുഭാഷ് ചന്ദ്രബോസിന് ആദരാഞ്ജലികൾ അർപ്പിക്കുന്നു. ഇന്ത്യയുടെ സ്വാതന്ത്ര്യസമരത്തിന് അദ്ദേഹം നൽകിയ സംഭാവന സമാനതകളില്ലാത്തതാണ്. അദ്ദേഹം ധൈര്യത്തിന്റെയും ധീരതയുടെയും പ്രതീകമാണ്. അദ്ദേഹം വിഭാവനം ചെയ്ത ഇന്ത്യ കെട്ടിപ്പടുക്കുന്നതിനായി ഞങ്ങൾ പ്രവർത്തിക്കുമ്പോൾ അദ്ദേഹത്തിന്റെ കാഴ്ചപ്പാട് ഞങ്ങളെ പ്രചോദിപ്പിക്കുന്നു,” ഒരു എക്‌സ് പോസ്റ്റിൽ പ്രധാനമന്ത്രി പറഞ്ഞു, .
ഇന്ത്യയുടെ സ്വാതന്ത്ര്യ സമരത്തിൽ അചഞ്ചലമായ സമർപ്പണം കൊണ്ട് രാജ്യത്തിന്റെ ചരിത്രത്തിൽ അജയ്യമായ മുദ്ര പതിപ്പിച്ച നേതാജി സുഭാഷ് ചന്ദ്രബോസ് ജയന്തി,എല്ലാ വർഷവും ജനുവരി 23 ന് പരാക്രം ദിവസ് എന്ന പേരിൽ ആചരിയ്‌ക്കുന്നു.
