മലപ്പുറം: മലപ്പുറം തൃക്കലങ്ങോട് പതിനെട്ട്കാരിയെ തൂങ്ങിമരിച്ച നിലയിൽ കണ്ടെത്തി. പുതിയത്ത് വീട്ടിൽ ഷൈമ സിനിവർ ആണ് മരിച്ചത്. ഇന്നലെ വൈകിട്ട് ആറുമണിയോടെയാണ് വീട്ടിലെ മുറിയിൽ തൂങ്ങിമരിച്ച നിലയിൽ കണ്ടത്.
ഷൈമയുടെ മരണ വിവരം അറിഞ്ഞതിനെ തുടർന്ന് അയൽവാസിയും സുഹൃത്തുമായ വിദ്യാർഥിയും ആത്മഹത്യക്ക് ശ്രമിച്ചു. ആൺ സുഹൃത്ത് 19 കാരനായ സജീർ, കൈ ഞെരമ്പ് മുറിച്ചാണ് ജീവനൊടുക്കാൻ ശ്രമിച്ചത്. ഇയാളെ മഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
കഴിഞ്ഞ ദിവസം ഷൈമയുടെ വിവാഹം ഉറപ്പിച്ചിരുന്നു. നിശ്ചയിച്ച വിവാഹത്തിൽ പെൺകുട്ടിക്ക് താല്പര്യക്കുറവുണ്ടായിരുന്നു എന്നാണ് റിപ്പോർട്ട് . മൃതദേഹം പോസ്റ്റുമോട്ടത്തിന് ശേഷം ബന്ധുക്കൾക്ക് ഇന്ന് വിട്ടുനൽകും. എടവണ്ണ പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു.
