ജനാധിപത്യം ഭക്ഷണം മേശപ്പുറത്ത് വയ്‌ക്കുന്നില്ലെന്ന് യുഎസ് സെനറ്റർ; ‘മഷിപുരട്ടിയ’ വിരൽ ഉയർത്തി ജയശങ്കറിന്റെ മറുപടി

ന്യൂഡൽഹി:ആഗോള ജനാധിപത്യം ഭീഷണിയിലാണെന്ന പാശ്ചാത്യ പ്രതിനിധികളുടെ വാദങ്ങൾ തള്ളിക്കളഞ്ഞ് വിദേശകാര്യമന്ത്രി എസ്‌ ജയശങ്കർ. ജനാധിപത്യ മൂല്യങ്ങൾ പാലിക്കാത്ത പടിഞ്ഞാറൻ രാജ്യങ്ങളെ വിമർശിച്ച അദ്ദേഹം ഇന്ത്യയുടെ ഊർജ്ജസ്വലമായ ജനാധിപത്യത്തെ എടുത്തുകാട്ടി. മ്യൂണിക്ക് സുരക്ഷാ സമ്മേളനത്തിൽ ‘ലിവ് ടു വോട്ട് അനദർ ഡേ: ഫോർട്ടിഫൈയിംഗ് ഡെമോക്രാറ്റിക് റെസിലിയൻസ്’ എന്ന വിഷയത്തിൽ നടന്ന പാനൽ ചർച്ചയിൽ പങ്കെടുക്കവെയായിരുന്നു വിദേശകാര്യമന്ത്രിയുടെ പ്രതികരണം.

“ജനാധിപത്യത്തെക്കുറിച്ച് താരതമ്യേന അശുഭാപ്തിവിശ്വാസമുള്ള ഒരു പാനലിൽ ഞാൻ ഒരു ശുഭാപ്തിവിശ്വാസിയായി തോന്നി. എന്റെ വിരൽ ഉയർത്തിപ്പിടിച്ചുകൊണ്ട് ഞാൻ ആരംഭിക്കാം, അത് മോശമായി എടുക്കരുത്. അത് ചൂണ്ടുവിരലാണ്. എന്റെ നഖത്തിൽ നിങ്ങൾ കാണുന്ന ഈ അടയാളം ഇപ്പോൾ വോട്ട് ചെയ്ത ഒരാളുടെ അടയാളമാണ്. എന്റെ സംസ്ഥാനത്ത് (ഡൽഹി) ഒരു തിരഞ്ഞെടുപ്പ് നടന്നു. കഴിഞ്ഞ വർഷം, ഞങ്ങൾക്ക് ഒരു ദേശീയ തിരഞ്ഞെടു പ്പും ഉണ്ടായിരുന്നു. ഇന്ത്യൻ തിരഞ്ഞെടുപ്പുകളിൽ, ഏകദേശം മൂന്നിൽ രണ്ട് വോട്ടർമാരും വോട്ട് ചെയ്യുന്നു. ദേശീയ തിരഞ്ഞെടുപ്പുകളിൽ, ഏകദേശം 900 ദശലക്ഷം വോട്ടർമാരിൽ 700 ദശലക്ഷം പേരും വോട്ട് ചെയ്തു. ഒറ്റ ദിവസം കൊണ്ട് ഞങ്ങൾ വോട്ടുകൾ എണ്ണുന്നു,” പാശ്ചാത്യ ജനാധിപത്യത്തെക്കുറിച്ചുള്ള തന്റെ വീക്ഷണങ്ങളെക്കുറിച്ച് ചോദിച്ചപ്പോൾ ജയശങ്കർ പറഞ്ഞു.

ജയ്ശങ്കറിനെ കൂടാതെ, നോർവേ പ്രധാനമന്ത്രി ജോനാസ് ഗഹർ സ്റ്റോർ, യുഎസ് സെനറ്റർ എലിസ സ്ലോട്ട്കിൻ, വാർസോ മേയർ റാഫൽ ട്രാസാസ്കോവ്സ്ക് എന്നിവരായിരുന്നു പാനലിൽ ഉണ്ടായിരുന്നത്. ജനാധിപത്യം ഭക്ഷണം മേശപ്പുറത്ത് വയ്‌ക്കുന്നില്ല എന്ന യുഎസ് സെനറ്റർ എലിസ സ്ലോട്ട്കിന്റെ പരാമർശത്തെ എതിർത്ത ജയശങ്കർ, ഇന്ത്യ ഒരു ജനാധിപത്യ സമൂഹമാണെന്നും 800 ദശലക്ഷം ആളുകൾക്ക് പോഷകാഹാര സഹായം നൽകുന്നുണ്ടെന്ന് പറഞ്ഞു. ഇന്ത്യയ്‌ക്ക് നിരവധി വെല്ലുവിളികൾ ഉണ്ടായിരുന്നിട്ടും, കുറഞ്ഞ വരുമാനത്തിലും ജനാധിപത്യ മാതൃകയിൽ സത്യസന്ധത പുലർത്താൻ സാധിച്ചുവെന്നും ജയശങ്കർ ചൂണ്ടിക്കാട്ടി. അതിനാൽ പാശ്ചാത്യലോകത്തിന് പുറത്തുള്ള വിജയകരമായ ജനാധിപത്യ മാതൃകകളെ പാശ്ചാത്യ രാജ്യങ്ങളും സ്വീകരിക്കേണ്ടത് പ്രധാനമാണെന്ന് വിദേശകാര്യമന്ത്രി പറഞ്ഞു.

Started the #MSC2025 with a panel on ‘Live to Vote Another Day: Fortifying Democratic Resilience’. Joined PM @jonasgahrstore, @ElissaSlotkin and @trzaskowski_.

Highlighted India as a democracy that delivers. Differed with the prevailing political pessimism. Spoke my mind on… pic.twitter.com/h3GUmeglst

— Dr. S. Jaishankar (@DrSJaishankar) February 14, 2025