കൊച്ചി: കളമശ്ശേരിയിൽ റോഡിലെ മുളക് പൊടി യാത്രക്കാരെ ദുരിതത്തിലാക്കി. ഗുഡ്‌സ് വാഹനത്തിൽ നിന്ന് താഴെ വീണ് പൊട്ടിയ മുളകുപൊടിയുടെ കവറുകളാണ് പ്രശ്നമുണ്ടാക്കിയത്. കാറ്റടിച്ചതോടെ മുളക്പൊടി പ്രദേശത്താകെ വ്യാപിക്കുകയായിരുന്നു.
റോഡിൽ തിരക്കുള്ള സമയത്തിയിരുന്നു സംഭവം. കണ്ണിൽ മുളക്പൊടി കയറിയതോടെ ഇരുചക്രവാഹന യാത്രക്കാർ ഏറെ വലഞ്ഞു. തലനാരിഴയ്‌ക്കാണ് പലരും അപകടത്തിൽ നിന്നും രക്ഷപ്പെട്ടത്. വെള്ളം ഉപയോഗിച്ച് കണ്ണും മുഖവും കഴുകിയിട്ടും എരിച്ചിൽ മാറിയില്ല. കുറേനേരത്തിന് ശേഷം എരിച്ചിൽ മാറിയതിന് പിന്നാലെയാണ് പലരും യാത്ര തുടർന്നത്. ബസ്, കാർ യാത്രക്കാരെയും മുളകുപൊടി ബുദ്ധിമുട്ടിച്ചു. ഒടുവിൽ ഫയർ ഫോഴ്സ് എത്തിയാണ് റോഡ് വൃത്തിയാക്കിയത്.
