തിരുവനന്തപുരം: ഹിന്ദു ഐക്യവേദി തിരുവനന്തപുരം ജില്ലാ പ്രസിഡന്റായി കസ്തൂരി അനിരുദ്ധനെ തെരഞ്ഞെടുത്തു. ഞായറാഴ്ച തിരുവനന്തപുരത്ത് ചേർന്ന ജില്ലാ പ്രതിനിധി സമ്മേളനത്തിലാണ് പ്രഖ്യാപനമുണ്ടായത്.
മുതിർന്ന സിപിഎം നേതാവായിരുന്ന കെ. അനിരുദ്ധന്റെ മകനാണ് കസ്തുരി അനിരുദ്ധൻ. ആറ്റിങ്ങൽ മുൻ എംപിയും എ. സമ്പത്തിന്റെ സഹോദരൻ കൂടിയാണ് അദ്ദേഹം. വിദ്യാർത്ഥിയായിരിക്കെ എസ്എഫ്ഐയിൽ പ്രവർത്തിച്ചിട്ടുണ്ട്. തിരുവനന്തപുരം എഞ്ചിനീയറിങ് കോളേജിന്റെ യൂണിയൻ ചെയർമാനുമാനായിരുന്നു.
കല്ലിയൂർ കൃഷ്ണകുമാർ( വർക്കിംഗ് പ്രസിഡന്റ്), ബിജു അറപ്പുര, വഴയില ഉണ്ണി ( ജനറൽ സെക്രട്ടറിമാർ), നെടുമങ്ങാട് ശ്രീകുമാർ (ട്രഷറർ), കെ. പ്രഭാകരൻ( സംഘടനാ സെക്രട്ടറിമാർ), പുഴനാട് വേണുഗോപാൽ, കെ പ്രഭാകരൻ (സഹ സെക്രട്ടറിമാർ) എന്നിവരാണ് മറ്റ് ഭാരവാഹികൾ.
