വി​ഘ്നേഷിന് മുംബൈയുടെ പുരസ്കാരം, സമ്മാനിച്ച് നിത അംബാനി; മലയാളി താരത്തിന്റെ മറുപടി പ്രസം​ഗം വൈറൽ

മുംബൈ ഇന്ത്യൻസ് കുപ്പായത്തിൽ ഇന്നലെ ചെന്നൈക്കെതിരെ അരങ്ങേറിയ മലയാളി താരത്തിന് പുരസ്കാരം സമ്മാനിച്ച് മുംബൈ ടീം. മത്സരത്തിലെ മികച്ച ബൗളരുടെ ബാഡ്ജാണ് വി​ഘ്നേഷ് പുത്തൂരിന് നൽകിയത്. ടീം ഉടമയായ നിത അംബാനിയാണ് ഇത് സമ്മാനിച്ചത്. ഇതിന്റെ വീഡിയോ മുംബൈ ഔദ്യോ​ഗിക എക്സ് പേജിൽ പങ്കുവച്ചിട്ടുണ്ട്. മികച്ച പ്രകടനം നടത്തുന്ന താരങ്ങൾക്ക് പ്രോത്സാഹനമെന്ന നിലയ്‌ക്കാണ് മാനേജ്മെന്റ് പുരസ്കാരങ്ങൾ നൽകുന്നത്.

ചെന്നൈക്കെതിരെയുള്ള മത്സരത്തിൽ നാലോവർ പന്തെറിഞ്ഞ താരം 32 റൺസ് വഴങ്ങിയാണ് മൂന്ന് വിക്കറ്റ് വീഴ്‌ത്തിയത്. സിഎസ്കെ നായകൻ ഋതുരാജ് ​ഗെ​യ്ക്വാദ്, ശിവം ദുബെ, ദീപക് ഹൂഡ എന്നിവരുടെ വിക്കറ്റുകളാണ് താരം വീഴ്‌ത്തിയത്. ഇത് ചെന്നൈയെ സമ്മർദത്തിലാക്കാനും മുംബൈയെ സഹായിച്ചു. എറിയാനെത്തിയ ആദ്യ ഓവറിൽ തന്നെ വി​ഘ്നേഷിന് വിക്കറ്റ് നേടാനായി.

മലപ്പുറത്ത് നിന്നുള്ള ചൈനമാൻ ബൗളറാണ് വി​ഘ്നേഷ് പുത്തൂർ. മുംബൈ സ്കൗട്ടുകളാണ് യുവതാരത്തെ കണ്ടെത്തിയത്. തനിക്ക് നൽകിയ അവസരത്തിനും പിന്തുണയ്‌ക്കും താരം ടീം ഉടമയോടും ക്യാപ്റ്റനോടും സഹപ്രവർത്തകരോടും നന്ദി പറഞ്ഞു.

Local Kerala talent ➡️ MI debut in a big game ➡️ Wins the Dressing Room Best Bowler 🏅

Ladies & gents, Vignesh Puthur! ✨#MumbaiIndians #PlayLikeMumbai #TATAIPL #CSKvMI pic.twitter.com/UsgyL2awwr

— Mumbai Indians (@mipaltan) March 24, 2025

✨ Sapne sach hote hai ✨ x THREE 🫡#MumbaiIndians #PlayLikeMumbai #TATAIPL #CSKvMIpic.twitter.com/td1l106Y6E

— Mumbai Indians (@mipaltan) March 23, 2025