കോട്ടയം നഴ്സിംഗ് കോളേജ് റാഗിങ് കേസിൽ പ്രതികൾക്ക് ജാമ്യം. പ്രതികളുടെ പ്രായം കണക്കിലെടുത്താണ് ജാമ്യം നൽകിയത്. നേരത്തെ കുറ്റകൃത്യത്തിൽ ഉൾപ്പെട്ടിട്ടില്ല എന്നതും കോടതി പരിഗണിച്ചു. കോട്ടയം ജില്ലാ സെഷൻസ് കോടതിയുടേതാണ് നടപടി. കേസിൽ അന്വേഷണ സംഘം കുറ്റപത്രം സമർപ്പിച്ചിരുന്നു.
മൂന്നാം വർഷ വിദ്യാർത്ഥികളായ സാമുവേൽ(20), ജീവ(19), റിജിൽ ജിത്ത്(20), രാഹുൽ രാജ്(22), വിവേക് (21) എന്നിവർക്കാണ് ജാമ്യം ലഭിച്ചത്. പ്രതികളുടെ ജാമ്യാപേക്ഷ നേരത്തെ ഹൈക്കോടതി ഉൾപ്പടെ തള്ളിയിരുന്നു. കോട്ടയം ഗവൺമെന്റ് നഴ്സിംഗ് കോളേജിൽ ഒന്നാം വർഷ വിദ്യാർത്ഥികൾക്കെതിരെ അതിക്രൂരവും പൈശാചികവുമായ റാഗിങ് നടന്ന സംഭവമാണ് കേസിനാധാരം.
