കിരീടം ലക്ഷ്യമിട്ട് ബെം​ഗളൂരുവും ബ​ഗാനും; ഐഎസ്എൽ കലാശ പോര് ഇന്ന് രാത്രി

2024-25 ഐഎസ്എൽ സീസണിലെ കലാശ പോരി കൊൽക്കത്തയിലെ സാൾട്ട്ലേക്ക് സ്റ്റേഡിയം വേദിയാകും. ഇന്ന് രാത്രി 7.30ന് മോഹൻ ബ​ഗാൻ സൂപ്പർ ജയൻ്റ്സും ബെം​ഗളൂരു എഫ്സിയും ഏറ്റുമുട്ടും. ലീ​ഗിൽ തലപ്പത്ത് തുടർന്ന മോഹൻ ബ​ഗാന ഐഎസ്എൽ വിന്നേഴ്സ് ഷീൾഡ് നേടിയിരുന്നു. നേട്ടം കൊയ്യുന്ന ആദ്യ ടീമും ബ​ഗാനാണ്.

സെമിയിലെ ആദ്യ പാദത്തിൽ 2-1 ന് ജംഷദ്പൂരിനോട് തോറ്റ ജോസ് മൊളിനോയുടെ ടീം രണ്ടാം പാദത്തിൽ വമ്പൻ തിരിച്ചുവരവ് നടത്തിയാണ് ഫൈനൽ ബെർത്ത് ഉറപ്പിച്ചത്. ബെം​ഗളൂരു എഫ്സി സീസണിൽ മൂന്നാം സ്ഥാനത്താണ് ഫിനിഷ് ചെയ്തത്. പ്ലേ ഓഫിൽ മുംബൈ സിറ്റിയെ തോൽപ്പിച്ച അവർ സെമിയിൽ ​ഗോവയെ മറികടന്നത് ​ഗോൾ ശരാശരിയിലാണ്.

ഈ സീസണിൽ മുഖാമുഖം വന്നപ്പോൾ ബെം​ഗളൂരുവും ബ​ഗാനും ഓരോ വിജയം വീതം നേടിയിരുന്നു. ഡ്യൂറാൻഡ് കപ്പിലെ മത്സരം സമനിലയിൽ അവസാനിച്ചിരുന്നു. തുല്യ ശക്തികൾ ഏറ്റുമുട്ടുമ്പോൾ തീപാറുമെന്ന കാര്യം ഉറപ്പ്. ജിയോ സ്പോർട്സിലും സ്റ്റാർ സ്പോർട്സ് 3യിലും തത്സമയം മത്സരം കാണാം.