ആത്മീയ ഗുരുവും യോഗ പരിശീലകനും പത്മശ്രീ ജേതാവുമായ ബാബ ശിവാനന്ദ് അന്തരിച്ചു. 128-ാം വയസിലായിരുന്നു വിയോഗം. വാർധക്യസഹജമായ ബുദ്ധിമുട്ടുകളെ തുടർന്ന് വാരണാസിയിൽ വച്ചാണ് അദ്ദേഹം അന്ത്യശ്വാസമെടുത്തത്. ബാബയുടെ വിയോഗത്തിൽ പ്രധാനമന്ത്രി നരേന്ദ്ര മോദി അന്ത്യാഞ്ജലി അർപ്പിച്ചു. 2022-ലാണ് രാജ്യം അദ്ദേഹത്തെ പദ്മശ്രീ നൽകി ആദരിച്ചത്.
“കാശി സ്വദേശിയും യോഗാ പരിശീലകനുമായ ശിവാനന്ദ് ബാബ ജിയുടെ വിയോഗവാർത്ത കേൾക്കുന്നത് അങ്ങേയറ്റം ദുഃഖകരമാണ്. യോഗയ്‌ക്കും സാധനയ്‌ക്കും വേണ്ടി സമർപ്പിച്ച അദ്ദേഹത്തിന്റെ ജീവിതം രാജ്യത്തെ എല്ലാ തലമുറകളെയും പ്രചോദിപ്പിക്കും. യോഗയിലൂടെ സമൂഹത്തെ സേവിച്ചതിന് അദ്ദേഹത്തിന് പത്മശ്രീയും ലഭിച്ചു. ശിവാനന്ദ് ബാബയുടെ ശിവലോകത്തിലേക്കുള്ള വേർപാട് അദ്ദേഹത്തിൽ നിന്ന് പ്രചോദനം ഉൾക്കൊണ്ട ദശലക്ഷകണക്കിന് പേർക്ക് വലിയൊരു നഷ്ടമാണ്. ഈ സങ്കടകരമായ സമയത്തിൽ അദ്ദേഹത്തിന് ആദരാഞ്ജലി അർപ്പിക്കുന്നു..— പ്രധാനമന്ത്രി എക്സിൽ കുറിച്ചു.
ബിഎച്ച് യു ആശുപത്രിയിൽ ഏപ്രിൽ 30 മുതൽ ചികിത്സയിലായിരുന്നു അദ്ദേഹം. ശനിയാഴ്ച രാത്രിയാണ് വിയോഗം. 1896 ഓഗസ്റ്റ് എട്ടിന് പഴയ പശ്ചിമ ബംഗാളിലെ(ഇപ്പോഴത്തെ ബംഗ്ലാദേശ്) സിൽഹെറ്റ് ജില്ലയിലാണ് അദ്ദേഹം ജനിച്ചത്. ബാബ ശിവാനന്ദ ആറാം വയസിൽ അനാഥനായി. ശിവാനന്ദയെ ആത്മീയതയിലേക്ക് വഴിതിരിക്കുന്നത് അദ്ദേഹത്തിന്റെ ഗുരുവായ ഓംകാരാന്ദയാണ്. പുലർച്ച മൂന്നുമണിക്ക് ബാബയുടെ ഒരു ദിവസം ആരംഭിക്കുന്നത്. യോഗപരിശീലനവും ലഘു ഭക്ഷണവുമായിരുന്നു ശീലങ്ങൾ. യോഗ, ധ്യാനം, ആത്മീയ പരിശീലനം എന്നിവയെ കേന്ദ്രീകരിച്ചുള്ള അച്ചടക്കമുള്ള ജീവിതശൈലിക്ക് ഏറെ പ്രശസ്തനായിരുന്നു. അദ്ദേഹത്തിനെ രോഗങ്ങളും അലട്ടിയിരുന്നില്ല.
योग साधक और काशी निवासी शिवानंद बाबा जी के निधन से अत्यंत दुख हुआ है। योग और साधना को समर्पित उनका जीवन देश की हर पीढ़ी को प्रेरित करता रहेगा। योग के जरिए समाज की सेवा के लिए उन्हें पद्मश्री से सम्मानित भी किया गया था।
शिवानंद बाबा का शिवलोक प्रयाण हम सब काशीवासियों और उनसे… pic.twitter.com/nm9fI3ySiK
— Narendra Modi (@narendramodi) May 4, 2025
