പാലക്കാട് : പൂട്ടിക്കിടന്ന കെട്ടിടത്തിൽ നിന്നും 75ലക്ഷത്തോളം രൂപവിലവരുന്ന നിരോധിത പുകയില ഉത്പന്നങ്ങൾ മണ്ണാർക്കാട് പോലീസ് പിടികൂടി.
ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തെ തുടർന്നാണ് ജില്ലാ ലഹരി വിരുദ്ധ സ്‌ക്വാഡും, മണ്ണാർക്കാട് പോലീസും ആനമൂളിയിൽ പെട്രോൾ പമ്പിനു സമീപത്തുള്ള പൂട്ടിക്കിടന്ന കെട്ടിടത്തിൽ പരിശോധനക്കെത്തിയത്. ഇവിടെ നിന്നും 93 വലിയ ചാക്കുകളിലായി സൂക്ഷിച്ച 139500 ഹാൻസ് പയ്‌ക്കറ്റുകളാണ് മണ്ണാർക്കാട് SI ശ്രീജിത്തിന്റെ നേതൃത്വത്തിലുള്ള പോലീസ് സംഘം പിടികൂടിയത്.
മണ്ണാർക്കാട് കുന്തിപ്പുഴ സ്വദേശി നമ്പിയത്ത് നാണിപ്പ എന്ന നൗഷാദിന്റെ ഉടമസ്ഥതയിലാണ് കെട്ടിടം. മണ്ണാർക്കാട് പോലീസ് കേസ്സെടുത്ത് തുടർനടപടികൾ സ്വീകരിച്ചു.
