ഇനി തപാൽ മാർ​ഗമില്ല, പി.എസ്.സി നിയമന ശുപാർശകൾ ഡിജിറ്റൽ സംവിധാനത്തിലേക്ക്

തിരുവനന്തപുരം: പി.എസ്.സി നിയമന ശുപാർശകൾ പൂർണ്ണമായും ഡിജിറ്റൽ സംവിധാനത്തിലേക്ക്. ജൂൺ രണ്ടിന് ചേർന്ന കമ്മീഷൻ യോഗത്തിലാണ് തീരുമാനം.
നിയമനശിപാർശ ചെയ്യപ്പെട്ട ഉദ്യോഗാർത്ഥികൾക്കു കാലതാമസം കൂടാതെ അഡ്വൈസ് മെമ്മോ ലഭിക്കുന്നു എന്ന് ഉറപ്പു വരുത്തുന്നതിനും അഡ്വൈസ് മെമ്മോ കൂടുതൽ സുരക്ഷിതമാക്കുന്നതിനുമാണ് പുതിയ തീരുമാനം.

2025 ജൂലൈ 1 മുതൽ എല്ലാ നിയമന ശുപാർശകളും ഉദ്യോഗാർത്ഥികളുടെ പ്രൊഫൈലിൽ ലഭ്യമാക്കാൻ കമ്മീഷൻ തീരുമാനിച്ചു. ക്യൂ.ആർ. കോഡ് ഉൾപ്പെടുത്തി സുരക്ഷിതമാക്കിയ നിയമന ശിപാർശകളാണ് പ്രൊഫൈലിൽ ലഭ്യമാക്കുക. ഇത്തരത്തിൽ പൂർണ്ണമായും ഡിജിറ്റൽ സംവിധാനത്തിലേക്ക് മാറുന്നതോടെ തപാൽ മാർ​ഗം അയയ്‌ക്കുന്ന രീതി നിർത്തലാക്കും.

ക്യു ആർ കോഡുള്ളതിനാൽ സ്​​കാ​ൻ ചെ​യ്ത് ആ​ധി​കാ​രി​ക​ത ഉ​റ​പ്പാ​ക്കാ​ൻ നി​യ​മ​നാ​ധി​കാ​രിക്ക് സാധിക്കുകയും ചെയ്യും. വി​ലാ​സ​ത്തി​ലെ അ​വ്യ​ക്ത​തയോ വി​ലാ​സം മാ​റി​യ​തു​ കാരണം ഇനി നി​യ​മ​ന ശുപാ​ർ​ശ മെ​മ്മോ​ക​ൾ കൃത്യസമയത്ത് ല​ഭി​ച്ചി​ല്ലെ​ന്ന പ​രാ​തി​ക​ൾ​ക്കും ഇ​തോ​ടെ പ​രി​ഹാ​ര​മാ​വും.