കൊല്ലം: കൊല്ലം എഴുകോൺ കൈതക്കോട് പൊട്ടകിണറ്റിൽ അജ്ഞാത മൃതദേഹം കണ്ടെത്തി. ആളൊഴിഞ്ഞ പറമ്പിലെ കിണറ്റിലാണ് പുരുഷന്റേതെന്ന് സംശയിക്കുന്ന മൃതദേഹം കണ്ടെത്തിയത്. സമീപ പ്രദേശത്ത് നിന്ന് കാണാതായ വ്യക്തിക്ക് വേണ്ടിയുള്ള തിരച്ചിൽ നടക്കുന്നതിനിടെയാണ് മൃതദേഹം കണ്ടെത്തുന്നത്.
ഇടവട്ടം സ്വദേശി മണിയെയാണ് കഴിഞ്ഞ മാസം മുതൽ കാണാതായത്. ഇയാൾക്കായി നാട്ടുകാരും ബന്ധുക്കളും ചേർന്ന് തിരച്ചിൽ നടത്തിവരികയായിരുന്നു. ഇതിനിടയിലാണ് പൊട്ടക്കിണറ്റിനുള്ളിൽ മൃതദേഹം കണ്ടെത്തുന്നത്. പൊലീസ് സ്ഥലത്തെത്തി പരിശോധനകൾ ആരംഭിച്ചു.
