കൊല്ലം: സഹകരണ ബാങ്ക് സെക്രട്ടറിയെ മരിച്ച നിലയിൽ കണ്ടെത്തി.
കേരളപുരം പുനയ്ക്കന്നൂര് ആയിരത്തില് വീട്ടില് രജിതമോള്(48) ആണ് മരിച്ചത്. വെള്ളിയാഴ്ച രാത്രിയാണ് തൂങ്ങി മരിച്ച നിലയിൽ കണ്ടെത്തിയത്.
പുനയ്ക്കന്നൂര് സര്വീസ് സഹകരണ ബാങ്ക് സെക്രട്ടറിയാണ് രജിതമോള്. രജിത വീട്ടിൽ തനിച്ചാണ് താമസം. ഭർത്താവ് വിദേശത്താണ്. ഏകമകൻ കോഴിക്കോട് പഠിക്കുകയാണ്. മരണകാരണം എന്താണെന്ന് വ്യക്തമല്ല. കുണ്ടറ പൊലീസ് സ്ഥലത്തെത്തി തുടര് നടപടികള് ആരംഭിച്ചു.















