പ്രതിരോധം സുസജ്ജം!! ഡ്രോണിൽ നിന്നുള്ള മിസൈൽ വിക്ഷേപണം വിജയം; ഡിആർഡിഒയെ അഭിനന്ദിച്ച് രാജ്നാഥ് സിം​ഗ്

ഡ്രോണിൽ നിന്നും വിക്ഷേപിക്കാവുന്ന പ്രിസിഷൻ ഗൈഡഡ് മിസൈൽ പരീക്ഷണം വിജയം. പ്രതിരോധ ഗവേഷണ സ്ഥാപനമായ ഡിആർഡിഒയുടെ നേതൃത്വത്തിലാണ് ULPGM-V3( UAV Launched Precision Guided Missile) വിജകരമായി പരീക്ഷിച്ചത്. ആന്ധ്രാപ്രദേശ് കുർണൂലിലെ നാഷണൽ ഓപ്പൺ ഏരിയ ടെസ്റ്റ് റെയ്ഞ്ചിലായിരുന്നു പരീക്ഷണ നിരീക്ഷണങ്ങൾ നടന്നത്.

പ്രതിരോധ മന്ത്രി രാജ്നാഥ് സിം​ഗാണ് ചരിത്രം നേട്ടം പങ്കുവച്ചത്. ഇന്ത്യയുടെ മിസൈൽ ശേഷിക്ക് വലിയ ഉത്തേജനം നൽകുന്നതാണ് പരീക്ഷണങ്ങളെന്ന് ഡിആർഡിഒയെ അഭിനന്ദിച്ച് കൊണ്ടുള്ള സന്ദേശത്തിൽ അദ്ദേഹം പറഞ്ഞു.

ഡിആർഡിഒയുടെ ടെർമിനൽ ബാലിസ്റ്റിക്സ് റിസർച്ച് ലബോറട്ടറി (ടിബിആർഎൽ) ആണ് ULPGM-V3 വികസിപ്പിച്ചെടുത്തത്. കുറഞ്ഞ ഭാരം , കൃത്യത, വിവിധ വ്യോമ പ്ലാറ്റ്‌ഫോമുകളുമായി ഘടിപ്പിക്കാവുന്ന രൂപഘടന, യുദ്ധമുഖങ്ങളിൽ അനായാസേന ഉപയോ​ഗം എന്നിവ ഇതിന്റെ സവിശേഷതകളാണ്.

In a major boost to India’s defence capabilities, @DRDO_India has successfully carried out flight trials of UAV Launched Precision Guided Missile (ULPGM)-V3 in the National Open Area Range (NOAR), test range in Kurnool, Andhra Pradesh.

Congratulations to DRDO and the industry… pic.twitter.com/KR4gzafMoQ

— Rajnath Singh (@rajnathsingh) July 25, 2025