തിരുവനന്തപുരം: സംസ്ഥാനത്ത് ഇന്നും അതിതീവ്ര മഴ സാധ്യതയെന്ന് കേന്ദ്ര കാലാവസ്ഥ വകുപ്പ്. ഇന്ന് രണ്ട് ജില്ലകൾക്ക് റെഡ് അലർട്ട് പ്രഖ്യാപിച്ചിട്ടുണ്ട്. കണ്ണൂർ കാസർകോട് ജില്ലകൾക്കാണ് അതിതീവ്ര മഴമുന്നറിയിപ്പ്. മഴയ്‌ക്കൊപ്പം ശക്തമായ കാറ്റിനും സാധ്യതയുണ്ട്.
മഴയെ തുടർന്ന് തൃശൂർ, കാസർകോട് ജില്ലകളിലെ വിദ്യാഭ്യാസ സ്ഥാപനങ്ങൾക്ക് അവധിയാണ്. മത്സ്യബന്ധനത്തിനും നിരോധനമുണ്ട്. എന്നാൽ നിലവിൽ വടക്കൻ ജില്ലകളിൽ സ്ഥിതി ശാന്തമാണ്. കനത്ത മഴയ്ക്ക് ശമനമുണ്ട്.
മലപ്പുറം,കോഴിക്കോട്,വയനാട് ജില്ലകൾക്കാണ് ഓറഞ്ച് അലർട്ട്. എറണാകുളം ഇടുക്കി,തൃശ്ശൂർ പാലക്കാട് ജില്ലകൾക്ക് യെല്ലോ മുന്നറിയിപ്പാണ്.
നാളെ അഞ്ച് ജില്ലകൾക്ക് മഞ്ഞ ജാഗ്രതാ മുന്നറിയിപ്പാണ്. മലപ്പുറം മുതൽ കാസർകോട് വരെയുള്ള അഞ്ച് ജില്ലകൾക്കാണ് യെല്ലോ അലർട്ട് പ്രഖ്യാപിച്ചിരിക്കുന്നത്.
