അടൂർ : ട്രാന്‍സ്‌ജെന്‍ഡര്‍ യുവതി അവന്തിക തനിക്കെതിരെ ഉന്നയിച്ച ആരോപണത്തെ പ്രതിരോധിക്കാന്‍ ശ്രമിച്ച് രാഹുല്‍ മാങ്കൂട്ടത്തില്‍ എംഎല്‍എ. ആരോപണം ഉന്നയിച്ച അവന്തികയും ഒരു മാധ്യമപ്രവര്‍ത്തകനും തമ്മില്‍ ഓഗസ്റ്റ് 1ന് നടത്തിയ ഫോണ്‍ സംഭാഷണത്തിന്റെ ശബ്ദരേഖ രാഹുല്‍ പുറത്തുവിട്ടു. രാഹുല്‍ തന്നോട് മോശമായി പെരുമാറിയിട്ടില്ലെന്നും നല്ല സുഹൃത്താണെന്നും ഉള്‍പ്പെടെ മാധ്യമ പ്രവർത്തകനോട് അവന്തിക പറയുന്നതായി ശബ്ദരേഖയിലുണ്ട്.
അവന്തികയാണ് തനിക്ക് ഈ ശബ്ദരേഖ അയച്ചുതന്നതെന്ന് രാഹുല്‍ പറയുന്നു. പാലക്കാടിന്റെ എംഎല്‍എയും തന്റെ സുഹൃത്തുമായ രാഹുലുമായി ബന്ധപ്പെടുത്തി ഇത്തരമൊരു കാര്യം പറയുന്നത് മോശമാണെന്നും അവന്തിക പറയുന്നതായി രാഹുല്‍ പുറത്തുവിട്ട ശബ്ദരേഖയിലുണ്ട്.
മാധ്യമങ്ങളെ കാണുന്നത് രാജി പ്രഖ്യാപനത്തിനായിട്ടാണ് എന്ന് സൂചന ഉണ്ടായിരുന്നെങ്കിലും അതുണ്ടായില്ല. മറ്റ് ആരോപണങ്ങളെക്കുറിച്ചും തനിക്ക് നിരവധി കാര്യങ്ങള്‍ പറയാനുണ്ടെന്നും അത് ഘട്ടങ്ങളായി പറയാമെന്നും പറഞ്ഞു കൊണ്ട് രാഹുല്‍ അവസാനിപ്പിച്ചു. മാധ്യമങ്ങളുടെ ചോദ്യങ്ങള്‍ അവസാനിക്കുന്നതിനു മുൻപ് രാഹുൽ വാര്‍ത്താ സമ്മേളനം അവസാനിപ്പിച്ച് മടങ്ങി.
