കണ്ണൂർ : തലശ്ശേരിയിൽ എംഡിഎംഎയുമായി യുവാവ് പിടിയിൽ. കുന്നോത്ത് സ്വദേശിയായ ഫായിസ് ഇബിൻ ഇബ്രാഹിമിനെയാണ് പിടികൂടിയത്. വിൽപ്പനക്കായി സൂക്ഷിച്ച എംഡിഎംഎ ഇയാളുടെ വീട്ടിൽ നിന്നാണ് പോലീസ് പിടികൂടിയത്.
വീട്ടിൽ ലഹരി വസ്തുക്കൾ സൂക്ഷിച്ചിട്ടുണ്ടെന്നുള്ള രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്. വീട്ടിൽ നിന്നും 27.55 ഗ്രാം എംഡിഎംഎ, സിപ്പ് ലോക്ക് പ്ലാസ്റ്റിക് കവറുകൾ, എംഡിഎംഎ ചൂടാക്കി വലിക്കാൻ ഉപയോഗിക്കുന്ന ഗ്ലാസ് നിർമ്മിത ട്യൂബ് പൈപ്പ് എന്നിവ കണ്ടെടുത്തു. സ്വന്തം ആവശ്യത്തിനും വിൽപ്പനക്കും വേണ്ടിയാണ് ഫായിസ് എംഡിഎംഎ സൂക്ഷിച്ചത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
